Nurcan Yalçın / JINHA

AMED - Dayîka Fatma Îpek ya 70 salî ku di salên 90'an de rastî hemû awayê tindiya dewletê hatî û ji gundê wan bi zorê hatîn derxistin piştî hesreta salan cardin vegeriyaye gundê xwe. Niha jî hesreta keça xwe ya 24 salin di girtîgehê dene dikêşe. Daxwaza dayîka Fatma tenê carekdin dîtina keça wê ya ku 4 salin sirgunî Girtîgeha Gebzê hatî kirin û nihare biçe hevdîtina wêye.

Êşên dayîka Fatma Îpek ya 70 salî li gundê Tiyaxs yê Pasura Amedê dimîne dişibe êşên gelek jinên kurd yên dinê. Di sala 1991'an de ji ber tindiya dewletê keçek ya wê tevlî nava refên PKK'ê dibe, di heman salê de keçek wê jî tê girtin û dikeve girtîgehê. Di sala 1993'an de ji ber bi zorê kirina cerdevan dayîka Fatma û gundiyên wan hemû vê yekê na pejirînin, ji ber wê jî agir diberdin gundê wan. Fatma ji ber zordariya dewletê koçî Amedê dike.

'Ji ber me cerdevanî ne pejirand gundê me şewitandin'

Fatma ya ku li Amedê hewildaye ji bo xwe jiyanekê avabike çîroka koçberiya xwe wiha anî ziman: "Salên demdirêj ez ji bêhna axa xwe dur mam. Ser me cerdevanî sepandin, dema ku me ne pejirand malên me şewitandin. Bi salan ez ji axa xwe dur mam. Di sala 2013'an de ez vegiriyam axa xwe. Min û hevserê xwe li gorî derfetên xwe me malek avakir. Ez dixwazim salên xwe yên dawiyê ser axa ku ez lê hatîm dinê û mezin bûme bijîm. Bi gelê kurd êşên mezin dan jiyan kirin. Em ji cîh û warên me kirin, zarokên me qetilkirin lê me ticarî dest ji çand û zimanê xwe berndea."

Ev 24 salin bi hesreta keça xwe dijî

Fatam li aliyekê şanaziya vegera axa xwe û li aliyê din jî xemgîniya duriya ji keça xwe ya 24 salin di girtîgehê de ye dijî wiha got: "Dema ku keça min ketî girtîgehê 18 salî bû, lê niha 42 saliye. Bila êdî ev êşên me dayîkan kişandî bi dawî bibin. Mirovek 24 sal di girtîgehê de ma dê çiqas bi denduristîbe? Keça min 20 sal li girtîgeha Sêwasê ma, paşê jî li sirgunî girtîgehên Riha, Çewlik, Êlih û Amedê kirin. Berdewamî nebana jî ez diçum hevîdîtina wê. Lê berî niha 4 salan ew sirgunî girtîgeha Gebzê kirin. Ji ber duriyê ez nikarim biçim."

Daxwaza wê ya dawiyê dîtina keça wê ye

Fatma bilêv kir ku ji ber ew hatiye gundê xwe gelek şanaze û wiha dom kir: "Ji xwe pir temenê min nemaye. Berî bimirim ez dixwazim keça min ji girtîgehê derkeve. Du daxwazên min hebûn, yek vegera gundê min bû yadinê jî derketina keça min ji girtîgehê bû. Dema ku keça min dernekeve dê çavê min vekirî ezê biçim. Bila êdî êşên me bidawî bibin û aştî bê vê axê. Bila êdî xwîna zarokên me nerije ser axa me."

(zt)