JINHA

EDENE/MÊRSÎN - Di êrîşên teqînê yên ser navend û navçeyên HDP'ê yên Mêrsîn û Edeneyê de 4 kes birîndar bûn. Ji birîndaran rewşa Hevserokê Navçeya Seyîhanê Huseyîn Beyaz girane. Piştî êrîşê gelek kes li ber avahiya Edeneyê kombûne.

Serê sibê li avahiya rêxistina HDP'ê ya Edene û navçeya Seyhanê ya li ser Kolana Cemal Gorses a li taxa Tepebag a Edeneyê teqîn pêk hat. Di encama teqînê de Hevserokê Rêxisitna HDP'ê yê Seyhanê Huseyîn Beyaz, rêveberên HDP'ê Îbrahîm Yakut û Selahattîp Pîşkîn jî di nav de 4 kes birîndar bûn. Di encama teqînê de şewat pêk hat û şewat ji aliyê îtfaiyeyê ve hate vekirandin û kesên birîndar rakirin nexweşxaneyê. Di encama teqînê de avahî texrîp bû û camên avahiyên derdorê ji ber hêz teqînê şikestin.

Li Mêrsînê beriya mitîngê teqîn

Di avahiya Rêxistina ya HDP'ê ya Mêrsînê de teqîn pêk hat û tê gotin ku sedema teqînê bombeya deng e. Li gorî agahiyên yekemîn teqîn li avahiya HDP' ya li Kolana Silîfe ya li navçeya Akdenîzê ya Mêrsînê pêk hat. Li gorî agahiyan seat di derdorê 10.00'an de pêkhat. Di dema 3 kes di avahiya HDP'ê de bûn madeyek li şanaşîna avahiyê de teqiyê. Di encama teqînê de camên avahiya HDP'ê avahiyên derdorê şikestin. Êrîş ji aliyê kê ve pêk hat nayê nazin û gelek polîs û ekîbên tendûrîstiyê sewqî cihê bûyerê hatin kirin. Piştî agahiya teqînê gelek HDP'î çûn cihê bûyerê. HDP'iyên hatin cem avahiyê bi dirûşmeyan êrîş şermezar kirin. Rêveberên HDP'ê jî li avahiya lêkolîn kirin. Lêkolîna ekîban berdewam dikin.

Êrîş berî mitînga HDP'ê ya ku seat dê di 17.00'an de bi tevlîbûna Hevserokê Giştî yê HDP'ê Selahattîn Demîrtaş pêk bê balkêş e.

(zt)