JINHA

QAMÎŞLO - Bi boneya bîranîna şehîdên meha gulanê di kesayeta Haki Karer de li Qamişlo merasîma bîranînê hat li darxistin. Dayîka Şehîd Delîl Qamîşlo Şehnaz Emîn di merasîmê de wiha got: "Ji ber ku Haki Karer dixwast biratiya gelan pêkbîne ji bo vî gelî û vê riyê canê xwe feda kir. Bi xwîna şehîdên kurdistanê îro li her devera Kurdistanê me xwe birêxistin kir. Em heta azadiya xwe misoger bikin em ê li dû xeta şehîdan bin.''

Desteya Malbatên Şehîdan li bajarê Qamîşlo ji bo roja şehîdan merasîmek lidarxistin. Bi amedebûna malbatên şehîdan, Hevseroka kantona cizîrê Hediya Yûsiv, serokên hemû desteyên Rêveberiya Xweser û saziyan Desteya Malbatên Şehîdan li goristana Şehîd Delîl Sarûxan a bajarê Qamîşlo bi rasthatina roja şehîdan merasîmek hat li darxistin. Merasîma bi deqeyeke rêzgirtinê destpê kir ser navê saziya malbatên şehîdan axaftin hat kirin. Hevseroka kantona Cizîrê Hediya Yûsiv jî girêdayî giringiya rojê wiha axivî: "Ji bo avakirinak jiyanek azad şehîdan canê xwe fedakirin. Ji bo ku em xwe û dîroka xwe nas bikin û li pey şopa şehîdên xwe bin û riya wan bişopînin divê em soz bidin şehîdan. Em li cihê xwe nesekinin heta em bighêjin jiyana azad ya ku şehîdên me di oxira wê canê xwe feda kirin. Îro li Rojavayê Kurdistanê bi saya şehîd û şervanan em rojên azadiyê jiyan dikin. Em li vir in îro ji bo ku em soza xwe bi şehîdan re dûbare bikin. Em dibêjin bila bala we rihet be ji ber ku emê li pey şopa we bimeşin û azadiyê jî misoger bikin.''

Dayîka Şehîd Delîl Qamîşlo Şehnaz Emîn derbarê wateya rojê de axivî û wiha got: ''Îro bi munesebeta şehadeta şehîd Haki Karer ku bi xwe tirke û hevalê wî yên şehîd em li vederê civiyane. Ji ber ku Haki Karer dixwast biratiya gelan pêkbîne ji bo vî gelî û vê riyê canê xwe feda kir. Bi xwîna şehîdên kurdistanê îro li her devera Kurdistanê me xwe birêxistin kir. Em heta azadiya xwe misoger bikin em ê li dû xeta şehîdan bin.''

Malbatên şehîdan li ser gorên şehîdan geriyan û merasîm bi xwandina navê şehîdên Qamîşlo bi dawî bû.

(re-px/zt)