JINHA

AMED - Kongreya Jinên Azad (KJA), têkildarî êrîşên li hemberî HDP’a Edene û Mersînê daxuyaniyek nivîskî da û wiha got: "“Van êrîşan nîşan da ku siyaseta Tirkiyeyê çawa qirêj dimeşe. Êrîşên li Edene û Mersînê pêk hatine ji dewletê ne serbixwetirin. Zîhniyeta faşîst û nîjadperest careke din aştî û çareserî red kiriye. Ev çalakiyeke ku bi profesyonel hatiye plankirinê ye. Di rewşa ku HDP bi ser bikeve de wê hemû lîstik deşîfre bibin.”

Girêdayî Êrîşên ser navendên Rêxistina HDP'ê yên Edeme û Mêrsînê Kongreya Jinên Azad (KJA) yê daxuyanî dan. Di daxuyaniyê de hat gotin ku beriya hilbijartinên 7’ê Hezîranê hikûmeta AKP’ê ya ji bilindbûna HDP’ê tirsiya, polîtîkayên tirsandin û çewisandinê bê navber didomîne û wiha got: “Hikûmeta AKP’ê wek versiyona xwe ya nû ya polîtîkayên xwe yên qirkirina çandî û înkarker, dixwaze hevdîtina HDP’ê ya bi gelên Tirkiyeyê re asteng bike. Serkeftina HDP’ê ji ber ku têkçûna AKP’ê û neçareseriya wê li hemberî hemû gelê Tirkiyeyê û Kurdistanê wê careke din deşîfre bikira, niha AKP serî li gelek provakasyonan dide. Li hember standên hilbijartinê, buroyên hilbijartinê êrîşên faşîzan çêdibin û li Agiriyê bi gel de gule barandin. Îro jî bi awayekî hevdem êrîşên bombeyî pêk hatin. Vê jî zîhniyeta AKP’ê careke din derxistiye holê.

Di berdewamiya daxuyaniyê de wiha hate gotin: “Van êrîşan nîşan da ku siyaseta Tirkiyeyê çawa qirêj dimeşe. Êrîşên li Edene û Mersînê pêk hatine ji dewletê ne serbixwetirin. Zîhniyeta faşîst û nîjadperest careke din aştî û çareserî red kiriye. Ev çalakiyeke ku bi profesyonel hatiye plankirinê ye. Di rewşa ku HDP bi ser bikeve de wê hemû lîstik deşîfre bibin.”

KJA’yê di dawiya daxuyaniyê de da xuyakirin ku Tevgera Azadiya Kurd tevî hemû provakasyonan ligel çareseriyê bû û got divê gel bi ti awayî neyê van provakasyonan û wiha got: “Ji ber ku tevgera azadiyê di şert û mercên herî dijwar de di rêya demokrasiyê de têkoşîna çareseriya pirsgirêka Kurd daye. Ne provakasyon, hezar bombeyên atomê jî êdî vî gelî nekare bide sekinandin."

KJA’yê êrîş şermezar kir û ji birîndaran re şifa xwest û bang kir ku bila gel li hember van provakasyonan hestiyar tevbigerin.

(zt)