JINHA

HESEKÊ - Bi minasebeta bîranîna şehîdên şoreşê Malbatên Şehîdan yên Hesekê serdana Goristana Şehîd Dijwar kirin.

Li Bajarê Hesekê yê Kantona Cizîrê ya Rojava merasîmên bîranînê berdewam dikin. Bi boneya 18'ê Gulanê û bîranîna şehîdên şoreşê bi pêşengiya Malbatên Şehîdan yên Hesekê li Goristana Şehîd Dijwar a li gundê Dawiydiyê merasîmek bîranînê hat kirin. Di merasîmê de gelek rêveberên herêma xweser û welatî amadebûn. Merasîmên bîranînê bi deqeyeke rêzgirtinê destpêkir. Di merasîmê de Endama Tevgera Civaka Demokratîk Nûjîn Hesen wiha axivî: ''Em îro şehîdên xwe yên bûne sembola berxwedana dîroka Kurdistanê bibîrtînin. Em soza berdewamkirina riya ku şehîdan bi xwîna xwe ji me re ronî kirin didin. Ji bo avakirina civakeke demoqratîk û azad wê berxwedana me her berdewam bike. Ji bo paqijkirina herêmê ji hêzên paşverû û terorist emê heya dawiyê tekoşînê li eniyên berxwedanê bilind bikin.''

Ser navê Meclisa Zangonsaz a Kantona Cizîrê Ekrem Mehşûş û li ser navê Rêverberiya Xweser Seroka desteya Ekenomiyê Sîham Qeryo axaftin kirin.

Dayîkên Şehîdan jî axivîn, serkeftinên zarokên xwe pîroz kirin û soza berdewam kirina riya zarokên xwe dan.

Merasîm bi danîna gulan li ser gorên şehîdan bi dawî bû.

(ee)