Sarya Gozuoglu/JINHA

AMED - Namzetên jin ên HDP'ê li Amedê, bi armanca lez bidin xebatên hilbijartinê ji 21'ê Gulanê heya dawiya mehê dê her roj bi plansaziyek nû ve xebatên xwe bi jinan re bidomînin. Namzet bi plansaziyek xweser wê li ser daxweziya jinan rewestin û xebatek berfireh bidin meşandin.

Namzetên jin ên HDP'ê bi têkoşîn û xebatên xwe dê nûbûnê li Meclîsa ku bi hişmendiya mêr hatiye pêçan bîne. Namzetên jin ên HDP'ê lez dane xebatên hilbijartina azadiya jin û plansaziya xwe a meha Gulanê diyar kir. Fîkriye Aytîn endama Koordînasyona hilbijartinê ya DBP'a herêma Amedê da zanîn ku ew bi bernameya xweser dikarin hîn zêdetir xwe bighînin her derî û pirsgirêkan ji nêzve çareser bikin. Fîkriye destnîşan kir ku, ji bo xebatên namzetan diyar bibe pêwîstî bi plansaziyek xweser hebû. Fîkriye anî ziman ku, namzetên Parlementeriya HDPê ên jin di 21'ê Gulanê ve dê plansaziyên cur be cur her roj xebatên xwe bidomînin.

'Armanca me xwe gihandina jina ye'

Fîkriye got: "Ev plansaziyê ku hatiye amede kirin dibe wesîleya ku namzet bi aweyek hêsan xwe bighînin her derê û têkiliyê avabike." Her wiha Fîkriye anî ziman ku, namzet daxweza plansaziyek xweser kirine û wiha pêde çû: "Di xebatên giştî de me dît daxwezê jin zêde nayê ser ziman. Ji ber vê yekê tevlî namzetên xwe me civînek pêkanî û biryara plansaziyek xweser me da. Bi vê plansaziyê emê hîn zêdetir bighînin jinan û emê pirsgirêkên heyî di cih de çareser bikin."

Plansaziya xweser ya namzetên jin bi vî awayi ye:

"21'ê Gulanê roja Pêncşemê: Li Kocakoyê saat 10.00'ê de dê hevdîtina jinan pêkwere û dexweziya jinên navçeyê were girtin. Saet 20.00' de jî namzetên jin wê li navçeya Rezanê bi jinan re hevdîtin pêkbîne.

22'ê Gulanê roja În: saet 10.00'ê de wê goristana Şemse Allak û jinên hatine qetilkirin werin ziyaret kirin. Heman rojê de saet 11.00'ê de jinên ku li karsaziyan dixebitin wê biçin Delîller Hanê seyranê. Piştî wê jî saet 19.00'de li navçeya Surê bi jinan re dê civînek were li darxistin.

23'ê Gulanê roja Şemî. Li navçeya Bîsmilê di saet 11.30'de wê civînek ji jinan re were li darxistin. Saet 17.00'de jî li Ferqînê bi jinan re hevdîtin wê pêk were.

24'ê Gulanê roja Yekşem: Saet 14.00'de li Kayapinarê hevdîtina jinan pêk were û saet 10.00'de li parqa Koşuyolu yê bi namzetan re hevpeyvînên serbest pêkwerin.


25'ê Gulanê roja Duşem: Saet 12.00'de Sîbel Yîgîtalp û Nursel Aydogan dê bi jinan re bicive.

26'ê Gulanê roja Sêşem: Saet 14.00'de wê li Yenîşehîrê bi jinan re civînek were li darxistin.

Namzet di dawiya meha Gulanê de jî dê maça voleybolê li dar bixe.

(rc)