Bêrîtan Elyakut/JINHA

AMED - Mutlu Kaya ya ku rastî êrîşa çekdarî hatî giran birîndar bûyî û li nexweşxanê tê dermankirin ji ber darba giran ya li serî ketî dê demekê li nexweşxanê bimîne. Dayîka Mutlu Hanim Kaya bertek nîşanî gotinên weke 'bu qurbanê tore cînayetê' û 'Ji aliyê bavê xwe ve hat qetilkirin' da.

Mutlu Kaya ya 19 salî li mala xwe ya li navçeya Erxeniya Amedê rastî êrîşa çekdarî hat û ji serê xwe giran birîndar bû. Mutlu ya ku li Nexweşxana Perwerde û Lêkolînê ya Zanîngeha Gazi Yaşargil ê 3 rojan di beşa lezgîn de hat girtin. Ji bo em di derbarê Mutlu de agahiyan bigirin me bi diya wê Hanim Kaya re hevdîtin kir. Hanim diyar kir ku keça wê Mutlu weke navê xwe şanazbû û bi tekoşîna xwe ya jiyanê dê cardin başbibe û wê şanaziyê jiyan bike.

'Ez ji yên tore yên layêqê me dibînin bihêrsim'

Hanim bertek nîşanî gotinên weke "bû qurbanê tore cînayetê" û "ji aliyê bavê xwe ve hat qetilkirin" û wiha got: "Keça min gelek ji bavê xwe hez dikir û ti eleqa me bi toreyan nîne. Ji ber keça min beşdarî pêşbaziyê bûye û ji ber em ji gelê rojhilatin van terîman layêqê me dibînin. Ez ji van gotinan bihêrsim."

'Keça min baxçê min yê gulane'

Hanim destnîşan kir ku ti pirsgirêkên wan bi kesê re nîne ji aliyê kê ve êrîş pêkhatiye nediyare û wiha domand: "Keça min baxçê min yê gulane. Dema ku tiştek bi keça min bê baxçê minê gulan namîne. Keça min bi dengê xwe yê zelan di pêşbaziyê de ser ket, lê ji ber rewşa me ya hejariyê me gelek kêşaye. Keça min tenê karî 4 salan bixîne ji ber rewşa aborî me wê ji dibistanê kêşa. Ji bo ku xwişk û birayên wê bixwînin ew di kantînê de dixebitî. Keça min ket ezmunên bedeneyîtimê û ser ket, şans bi keça min re kenî lê felek lênehat û nekenî."

'Min ji keça xwe û derdora xwe bawer kir'

Hanim bilêv kir ku ji ber rewşa aborî bavê Mutlu Mehmet Kaya deyîn kiribû ji ber pere nebû deyînê xwe razîne demdirêj qaçax dijî û wiha berdewam kir: "Navbera hevserê min û deyîndarên wî de nexweşbû lê nikarim bêjim wan kiriye. Ji ber mêrikan li hevjînê min digeriyan û li hember me ti tiştek wan nebû. Dema ku keça min beşdarî wê bernamê bû ji bo me got: 'Dayê ezê te û bavê xwe ji wê ezyet û hejariyê derxînim. Ji min bawerbin, ezê bi çand, nasname û dengê xwe pêşbaziyê bi ser bixim.' Min ji keça xwe û derdora xwe bawerkir. Ji ber keça min dema beşdarbû nêrîna derdorê girt û wiha çu beşdarbû. Ez naxwazim ji Mutlu cuda bijîm. Ez li wê geriyam û min got were, heya nêzî pêşbaziyê cardin here. Min zanibana tiştek wiha li benda keça mine min qet banî nedikirê. Wê li gel birayê xwe lîsta stiranan amadekir û di navê de nêzî 20 stiranên kurdî hene. Pirensa min bi salan bû hevalê derdên min. Şeva dawiyê ji bo min got: 'Dayê te bi salan derd kêşa êdî ev derd bi dawî dibin. Ezê te û bavê xwe ji nava êşan xilas bikim.' Keça min dema ku baş bibe dê cardin min neşikêne."

Ji Walitiyê daxuyanî'

Li aliyê dinê Walitiya Amedê girêdayî rewşa Mutlu daxuyanî da. Di daxuyaniyê de hat diyar kirin ku wan di derbarê bûyerê de lêkolîn dane despêkirin û li faîl digerin û wiha dom kir: "Di şeva 18.05.2015'an de V. E yê 26 salî gazî M.K kiriye û li ber Nexweşxana Dewletê ya Erxeniyê hev dîtine. Dema ku M. K navnîşana mala xwe dayê di saet 02.30'an de V. E xwestiye M. K derkeve lê ew derneketiye. Di saet 03.20'an de bûyer pêkhatiye, M. K di hindirê malê de li ber derî ji serê xwe birîndarbû. Di encama lêkolînên Navenda Amedê kesê bi guman V. E di şeva 18.05.2015'an de di saetên 22.30'an de ji aliyê peyîwirdarên buroya cînayetan ve hatiye girtin. Di demba bûyerê de kesên bi navê R. L û C. Ç jî yên li gel bûn hatî tesbît kirin hatin girtin. 3 kesên biguman hatine girtin û li navçeya Erxeniyê tên girtin. Di derbarê R. L û C. Ç de biriyara dibin çavan de girtinê hat dayîn; lê V. E girtin û birin girtîgehê."


(zt)