JINHA

COLEMÊRG - Welatiyên li hemberî operasyona li çiyayên Îspîzîrzê yên Geverê hatin destpêkirin çûn qada operasyonê rastî êrîşa leşkeran hatin. Di encama êrîşa leşkeran de welatiyek bi bombeya gazê ya li ser wê ket birîndar bû û 13 kes jî hatin binçavkirin. Tê gotin ku leşkeran gelek hêstir jî kuştin.

Operasyona bi tevlîbûna gelek tîmên taybet û helîkopteran li çiyayên Îspîrîzê yên navçeya Geverê ya Colmemêrgê hati destpêkirin didome. Li gel welatiyên gundên derderê û girsaya ji Gever û Şemzînan a di nav de Namzetê HDP'ê yê Colemêrgê Abdullah Zeydan, rêveberên HDP û DBP'ê jî hene ber bi herêma operasyonê ve çûn. Welatiyên hewil didan derkevin çiya rastî êrîşa leşkeran hatin. Di encama êrîşê de welatiyê bi navê Levent Dere bi bombeya gazê ya li serê wî ket birîndar bû. Levent ji aliyê welatiyan ve ji çiya anîn jêr û bi wesayîtê birin Geverê.

13 kes binçavkirin

Leşkeran li gundê Dedeler ê nêzî nokteya êrîşê jî welatiyên b navê Ferît Dere, Ercan Dere, Ayhan Dere, Ozkan Dere, Reber Dere, Şerîf Toregul, Umut Toregul, Firat Toregul, Abdullah Zengîn, A.Kerîm Zengîn, Maruf Demîr, Yakup Demîr û Azad Derînsu binçavkirin.

(rc)