JINHA

ÊLIH - Li Êlihê nûçegihana me Zeynep Akin ji aliyê du kesên ku tê zanîn endamên Huda- Par ê ne ve hat tehdîdkirin. Zeynep wê kêliyê wiha anî ziman: "Êrîşkaran çeka xwe ji ber xwe derxistin û gotin; 'Niha me li vêderê te bikujin kes bi te nahese. Tu dixwazê here gazî partiya xwe bike. Heta ew jî nikarin te rizgar bikin.'"

Duh di saetên şevê de nûçegihana me ya Êlihê Zeynep Akin dema ku nûçe dişopand ji aliyê du kesên temenê wan nêzî 20 saliyê ku tê zanîn endamên Huda-Parê ne rastî êrîşa bi çekan hat. Dema ku duh saet di 20.00'an de Zeynep li Parqa Ataturkê li benda çavkaniya nûçeya xwebû du mêrên yek ji wan 18 û yê dinê jî 20 salî dixwiyan despêkê bi gotinan tehdîd kirin û paşê jî bi çekê tehdîd kirin.

'Em niha li vêderê te qetilbikin kes nabihîse'

Zeynep got: "Dema ku di saetnên şevê de ez li Parqa Ataturk li benda çavkaniya nûçeya xwe bûm, min çayek vexwar. Ji ber pir germ bû ji bo hinek hewa bigirim ez ji derve li benda çavkaniya nûçeya xwe sekinîbûm. Wê demê du mêr ber min hatin hinek gotinên ez tênedigihiştim digotin." Zeynep bilêv kir ku dema ew hinekdinê nêzbûn bi gotinan ew tacîz kir. Zeynep anî ziman ku êrîşkar yek nêzî 18 saliyê bejna wî kin, esmer bû, yê dinê jî bejna wî dirêj, şuşko û esmer bû û wiha dom kir: "Her du mêr ber bi min hatin û gotinên bêmafiyê ji bo min gotin. gotinên weke: 'Pir ne germe, lê cehnem zêdetir germe. Di demek nêz de tu dê biçê cehnemê. Binêre bi van cilê ser xwe tudê biçê cehnemê. Di demek nêz de emê vê kafeyê jî bi ser hev de bînin.' Piştî van gotinan durketin."

Dê li dozgeriyê gilî bike

Zeynep destnîşan kir ku dema êrîşkar dê biketana malek ya nêzî parqê cardin biriyara xwe guherandin û li ber derê malê sekinîn û gotinên xwe yên tacîzê berdewam kirin û wiha dom kir: "Hema piştî êrîşê ez li hevalên xwe geriyam. Heya ew hatin êrîşkaran ji durve ez tacîz dikirim. Paşê dema ku me lêkolînkir em hînbûn ku ew mal ayîdê Huda- Parê ye. Êrîkar tam kîne û girêdayî kurêne ez baş nizanim."

Zeynep ya ku dê li Komela Mafê Mirovan ya Êlihê serlêdana suc bike û paşê jî dê biçe dozgeriyê û di derbarê êrîşkaran de gilî bike.

(zt)