Amara Rojbîn-Şeristan Asmîn/JINHA

ŞENGAL - YPJ Şengal a ku ji tevlîbûna jinên Êzîdî pêktê û her ku diçe bi awayek lezgîn mezin dibe, cara yekem yekîneyek xweser bi navê Binavş Agal avakirin. Fermandara hêza YPJ'ê Şengal Vîyan Tolhildan destnîşan kir ku, YPJ Şengal dê bibe temînata jinên Êzîdî û wiha got: "Jinên Şangalê êdî bêyî ku pêwîti bi hêzêk din bibîn dikare xwe û axa xwe biparêze."

Yekîneya Parastina Jinên Şengalê di 20'ê Adara 2015'an de bi konferansek ku li bajarê Şengala girêdayî Herêma Federal Kurdistanê pêkanîbûn, hêza xwe îlan kirin û her ku diçe rêxistinbuna xwe fereh dikin. Hêza YPJ'e Şengal ya ku li her deverê Şengalê bi cih bûne vê carê yekîniya xwe avakirin. Yekîneya Binevş Agal ku ji 18'e kesan pêktê cihê xwe di berxwedana Şengalê de girtin. Fermandara YPJ'ê Şengal Viyan Karoj anî ziman ku sedema avakirina vê yekîniyê, jinên Êzîdî ê Şengalê di însafa mêrde ne hêştin û wiha got: "Armanca YPJ'ê Şengal, jinên Êzîdî hem di warê rêxistinî de hem jî di warê bîrdozî de bi zanistkirin û pêşxistine. Ji ber vê yekê me yekîneya Binevş Agal ku tênê ji jinên êzîdî pêktîne avakir. Ev yek tê wateya ku, hêza YPJ'ê Şengal her ku biçe dê meztir û firhtir bibe."

'Şervanên jinên Êzîdî dê ax û gelê xwe biparêzin'

Karoj destnîşan kir ku şervanên jin ên Êzîdî ne tenê êrîşê ku li hember wan pêk were, heman demê de êrîşê ku li ser ax û gelê Êzîdî pêk were dê biparêzin û Karoj wiha domkir: "Li hember buyerên awerte û êrîşên ku pêk were şervanên jin ên Êzîdî dikarin xwe bi rêxistin buna xwe biparêzin. Demên borî ewlekarî û rêxistina parastina jinên Êzîdî tune bu. Lê belê niha ji her derî tevlîbûn hene û YBŞ û YPJ'ê Şengal mezin dibe. Karoj anî ziman ku hêza YPJ'ê Şengal buye temînata bajarê Şengalê û wiha pêde çû: "Avakirina yekîniya xweser hem ji bo me hem jî, ji bo gel buye çavkaniya moralê û hêzê. Ji vir û pêde di hemleya azadkirina Şengalê de, yekîniya YPJ'ê Şengal dê weke yekîniyek xweser beştarî hemlê bibe."

'Jinê Şengal di qada xweser de gavê despêk davêje'

Her wiha Fermandara YPJ'ê Şengal Viyan Tolhildan jî diyar kir ku, her çiqas jinê Êzîdî dereng mabin jî, lê niha ketine ferqa rastiya pergala desthilatdariya mêr. Viyan da zanîn ku, pêşketin û rêxistinkirinên bi vî awayî bi jinan re û bi taybet jî jinê Êzîdî re pêşketinên mezin dide avakirin. Viyan wiha domkir: "Armanca me berxwedaniya jinê Şengalê li hember çeteyên hov DAIŞ'ê bi hêzkirine. Ji ber vê yekê me yekîniyek ku ji 18'e jin pêktê avakir. Viyan destnîşan kir ku, pêşketina hêza YPJ'ê Şengal dê ji bo gel û jinên Êzîdî, guhartin û veguhartinên mezin bi xwe re pêkbîne. Viyan wiha got: "Malbatên ku jiyana yekîniya YPJ'ê Şengal dibîne, bi xwe zarokên xwe dişînin nava hêzên me. Ev yek tê wateya ku YPJ'ê Şengal hêza xwe û rastiya xwe ji gel re daye diyar kirin."

Banga tevlîbûna YPJ'ê Şengal hat kirin

Viyan dawiya gotina xwede bang li ciwanan kir ku tevlî hêza YBŞ û YPJ'ê Şengalê bibin û wiha got: "Ez bang li gel û bi taybet li jinên Êzîdî dikim ku tevlî hêza YPJ'ê bibin. Ne ji ber ku jinên Êzîdî rastî qatilamê hatiye ji bo her kes bizanibe jina Êzîdî jî dikare li berxwe bide. Di hemleya rizgarkirina Şengal de ne tenê ciwan pêwîste her kes cihê xwe di navde bigre."

(rc)