JINHA

ŞENGAL - Li dibistana çiyayê Şengalê, seminera paqijiyê hat dayin. Seminera ku ji aliyê Komiteya Perwerdehiya Meclisa Şengalê ve hat dayin behsa girîngiya paqijiyê hat kirin.

Li dibistana perwerdê ya seretayi ya ku li çiyayê Şengalê hatiye avakirin de nêziki 350 zarok perwerde dibinin. Di dibistanên ji kon hatine avakirin de polên 1,2,3,4 perwerde dibinin. Gişti di çiyayê Şengalê de heft dibistan hene û hîna xebatên zêdekirina dibistanan didome. Bi armanca pêşxistina hişmendiya paqijiya hewirdor li 7 dibistanên çiyayê Şengalê seminera paqijiyê hat dayîn. Seminara dibistana Şehit Omer Zinar ji aliyê mamoste Nujîn Bilind û Cemal ve hat dayîn. Mamosteyan qala giringiya paqijiya hewirdor ji zarokan re kirin.
Mamosteyê dibistana Şehit Zinar Omer jî wiha got: "Di dibistanên me de îro li ser paqijiyê seminer ji bo zarokan hat dayîn. Hewildanên me hemu jî pêşerojeki xweş ji bo zarokan ava kirine. Em di van dibistanan de bi zimanê xwe yê dayikê perwerde dibînin. Di şert û mercên zehmet de em perwerdên xwe rêvedibin. Em di çadiran de ders didin zarokan û em derve jî bimînin emê nahêlin zarokên me bê perwerde bibînin û çi ji destê me hat emê bikin."


(ja-ne/rc)