JINHA

AMED- Di pêşengtiya DİKASÛM'ê de saziyên jinan iro ji bo Hacer Aladağ ku rojek berê ji ali hevserê xwe bi awayeki hovane hatibû qetilkirin daxuyani dan. Jinan piştî daxuyaniyê malbata Hacer Aladag ziyaret kirin û sersaxî xwestin. Piştre jî malbata Mutlu Kaya ku rastî êrîşa çekdarî hatibû ziyaret kirin.

Di pêşengtiya DİKASÛM'ê de saziyên jinan iro ji bo Hacer Aladağ ku rojek berê ji ali hevserê xwe bi awayeki hovane hatibû qetilkirin daxuyani dan û da diyar kirin ku ew ê li vê dozê xwedî derbikevin. Jinan piştî daxuyaniyê ji bo zîyareta sersaxiyê çun gundê Kanê marê ya girêdayî navçeya Erxenî ya Amedê ye. Jinan li vir malbata Hacer Aladag ziyaret kirin û piştre çûn ser goristana wê. Xwişka Hacer Aladag Yasemin Yavuz li vir axivî û da diyar kir ku xwişka wê bi awayekî organize ji alî malbata Musa Aladag hatiye kuştin û got qetlîamên li hember jinê pêk tê êdî bila were sekinandin. Yasemîn ani ziman ku kesên xwişka wê kuştiye bila di demek nêz de were dîtin û bila bi cezayek herî giran were ceza kirin.jinan pişti ziyareta taziyeye derbasi Nexweşxaneya Amedê ya Lêkolîn û Perwerdê ya Gazî Yaşargîl bûn û li vir malbata Mutlu Kaya ya ku li Erxenî rastî êrîşa çekdarî bûbû ziyaret kir. Dayika Mutlu Kaya da zanîn ku rewşa Mutlu ber bi baş bûnê ve diçe û got: '' Dermanê didan Mutlu niha birîne û rewşa wî hinek din baş e. bertek nîşan daye îro em bawerin ku ew ê hê baştir bibe. Tene daxwaza me baş bûna wê ye.''

(ch)