Sosin Xanê /JINHA

RIMÊLAN- Sûryaniyên Rojava li bajarê Rimêlan ji bo rêxistinbuna xwe bi hêz bikin komeleyê xwe avakir.

Bi hezaran sal rojhilata navîn buye derguşa mirovahiyê û ji gelek çand, ziman, netewên cuda di nava xwe hewandiye. Yek ji van gelan gelê Sûryaniye û li gelek welatan li beramberî hemû êrîş û qirkirin li ser wan pêkhatiye, hîna hebûna xwe parastiye û didomîne. Li Rojavayê Kurdistanê di encamê têkoşîn û berxwedana gelan de netewên cuda ji bo ku hebûna çanda xwe bidomîne xwe bi rêxistin dike. Gelê Sûryanî li bajarê Rimêlan a kantona Cizîra Rojava komîte û komeleyên xwe avadikin û xwe bi rêxistin dike. Pêşengiya xebatên komleya çandê jinên Sûryanî dikin û her wiha jinan derbarê xebatê komeleyê de axivîn û kêfxweşiya xwe anîn ziman.

Jina Sûryanî Sûad Yeşûa behsa xebatê komeleyê kir û wiha got: "Me komeleya xwe avakir, ji bo rêxistinbuna me bê hêz bibe hem civîn li dardixin. Em li komeleyê İncîlê dixwînin û li ser baweriya H.Yesûa ramanê xwe kurdikin. Pêwîste hemû gelê me werin û tevlî civînê komeleyê bibin, da ku em rêxistinbuna xwe bi hêztir bikin."

'Ji bo nasnameyek azad em xwe bi rêxistin dikin'

Sûad wiha gotina xwe domkir: "Ji bo avakirina nifşek nû têkoşîna me didome. Avakirina civak û mirovên azad bi rêxistinbunê pêktê, ji ber vê yekê em ji bo nasnameyek azad xwe bi rêxistin dikin."

Li aliyê din Endama Komeleya Çandê a Sûryaniyan Nehîrn Salîba li ser girîngiya rola jinan wiha got: "Mesîh gelekî giringî daye jinê û gotiye tu cûdahî di navbera jin û mêr de tune ye. Niha jinên Sûryanî di nava civakê de xwadî rolek bibandorin û civaka gelekî giringiyê dide jinê û ev erka li ser milê meye ku em têkoşîna avakirina civakeke exlaqî û azadî bidin û ev yek me kêfxweş dike.''

(rc)