JINHA

ŞIRNEX – Li Cizîrê Dayikên Şemiyê di hefta 335’emin de jî daxwaza edaletê kirin. Dayikê Şemiyê vê heftê aqubeta Abdulkerim Duran pirsîn.

Li navçeya Cizîr a Şirnexê Dayikê Şemiyê di hefteya 335’emîn de jî çalakî lidarxistin û daxwaza dadê kirin. Endamên MEYA-DER, KURDÎ-DER, HDP, DBP, nunerê ÎHD’ê jî di navê de gelek saziyên sivîl tevlî çalakiya li Kolana Hunerê pêk hat bûn. Di çalakiyê de albuma kesên faîlên wan ne diyar hat vekirin.Vê heftê yê jî wek her hefte çiroka jiyana Abudlkerim Duranê ku piştî çubu Tabura Cizîrê hatibû wunda kirin ji aliyê endamên MEYA-DER'ê Weysî Durgut ve hat xwendin.

‘Welatê me welatê wundayîyan e’

Weysî diyar kir ku di salên notî de hêzên dewletê gelek caran davêtên ser malan û wiha got:”Di sala 1994’de jî disa leşker davêjin ser gundê Mehmidi û hemû mêran li qada gund kom dikin û nasnamê hemûyan berhev dikin. Piştî demekî Abdulkerim duran diçe ku nasnama xwe ji qerekola Cizîrê bigre carakadin ji qerekolê dernayê.” Weysî da zinin ku wê demê hevsera Abdullkerim diçe cem endamê Jitemê Cemal Temîöz da ku aqubeta hevserê xwe bipirse lê Cemal Temîzoz vê yekê înkar dikê û wiha pêde çu:” Cemal Temizoz ji Zekiye re dibêjê Abdulkerim ne vê derê ye li ser vê yekê Zekîye dibêje ku şahidê bûyerê hene Camal Temîzoz hişk bi qirka zekiye digre û dibêje ‘Min çend hebê weka te xeniqand tu dizanî’ piştî hundabuna Abdulkerim bi du mehan perçê cilê Abdulkerim li nêzî pira gund tên dîtin.

Nûnerê ÎHD’a Hezexê Yusuf Vesek jî axivî û diyar kir ku vê heftê heftaya hundayiyan a cihanê ye û wiha got:” Mixabin em jî li weletekî hundayê wê pirin dijîn.” Yusuf diyar kir ku hemu mirovên li vê derê li pey xizmên xweyê hundayî li adaletê digerin û wiha pêde çu :” Fail diyarin lê bi awayekî kêyfî nayên darizandin mesele ve. Em hêvîdikin ku welatê me êdî nebe welatê hundayîyan.

Pişti axafinan 5 deqe çalakiya runiştinê pêk hat.

(ma/zt)