Mizgin Adım/JINHA

ŞIRNEX - Ji bo projeyek a bi navê 'Li Cizîrê Zarok aştiyê di axivin' Komela Rojeva Zarokan hatin Cizîrê û li zarokên bajêr guhdarî kirin. Xebatkara Komeleyê Ezgi Koman çavdêriyên xwe wiha par kir: "Zarokên Cizîrê tiştina dibêjin lê mezin guhdarî nakin. Di demên bê şerbûnê de li Cizîrê şer tê jiyan kirin. Zarokên li vêderê tiştinan dibêjin ji bo guhdarkirina wan em hatine."

Di çarçoveya amadekariyên Konferansa Aştî û Demokrasiyê ya tê pilankirin Komela Rojeva Zarokan ya hatî Cizîrê bi xebatên atolyeyan li zarokan guhdarî kirin. Zarokên ku bi xebatkarên komeleyê re li Mala Gel ya Taxa Nuh hatin bahev wêne xêz kirin. Dê xebatên wan di rojên pêşiya me de bi ritim, radyo û atolyeyên dîmenan berdewam bike. Endama Komeleyê Emrah Kirimsoy di derbarê xebatên zarokan de agahî da. Emrah destnîşan kir ku zarok ji bo mezinan gelek tiştan dibêjin lê ew nayên guhdarkirin, lê dema ku zarok pêşengiyê nekin aştî nabe.

'Ji bo zarokan cîhanek hîn baştir'

Emrah Kirimsoy bilêv kir ku weke komele ji bo binpêkirinên mafê zarokan bê dîtin ew dixebitin û wiha domand: "Em ji bo ku di jiyana zarokan de tiştek baştir avabikin bi duruşma 'Ji bo zarokan cîhanek hîn baştir' çalakiyan dikin. Emrah anî ziman ku wan xebatên Konferansa Aştî û Demokrasiyê li Cizîrê dane despêkirin û wiha berdewam kir: "Em ji bo guhdarkirina ciwan û zarokan hatine li vêderê, bi tayîbetî jî em dixwazin li wan guhdar bikin di derbarê aştiyê de çî difikirin, hêviyên wan çine. Emê sê rojan bi hev re di derbarê pirsa em çawan dixwazin bijîn di atolyeyan de li bersiva wê bigerin. Dengê zarokan û ciwanan nedihat bihîstin, ji bo girtina vê kêmaniyê em li hev civiyan. Ev xebat ji Cizîrê despêkirin ji bo me giringe. Piştî nîqaşên biçuk yên zarokan di nava atolyeyan de emê bi hunerên weke radyo, atolyeya rtman, boyakirina dîwaran berdewam bikin. Em di dawiyê de ji bo zarokan formekê çêkin."

'Şer herî zêde zarokan bandor dike em jî ji bo guhdarkirina wan hatine'

Endma Komela Rojeva Zarokan Ezgi Koman jî da zanîn ku ew ji bo baş lêkolînkirina şopa şerê 30 salan ser zarokan hatine û wiha dom kir: "Niha pêvajoyek ya bê şerbûnê heye, bi rastî zarok çawan li vê pêvajoyê dinêrin. Di vê pêvajoyê de rolekê didin xwe, yan jî ji kîjan aktoran li benda kîjan rolîne. Dema ku aştiyek rastî bê xwesin bê van zarokan nabe." Ezgi bûyerên dawiyê yên li Cizîrê qewimîn û zarok têde hatin qetilkirin bibîrxist û got: "Zarokên Cizîrê tiştina dibêjin lê mezin guhdarî nakin. Di demên bê şerbûnê de li Cizîrê şer tê jiyan kirin. Zarokên li vêderê tiştinan dibêjin ji bo guhdarkirina wan em hatine. Dema ku dad bêxwestin, aştî bê hêvî kirin û ji bo wê avakirin despêbike ev zarok nebin nabe. Ji bo wê jî em bang li hemû mezinan dikin ku li zarokan guhdar bikin."

(zt)