JINHA

DÎLOK - Jinên HDP'ê Komela Alîkarî û Şêwirmendiya Jinên Kedkar û Bêkes ziyaret kirin. Namzeta Parlementera HDP'ê ya Dîlokê Gulseren Kocaer diyarkir ku divê êdî jin pergala deshilatiya serdest ya heyî ne pejirînin û got: "Divê ji bo jiyanek azad û welatek wekhev em jin li deng û sindoqên xwe xwedî derkevin."

Her diçe kêm roj dimînin ji hilbijartinên girtş re, ji ber wê jî namzetên jin yên HDP'ê lez didin xebatên xwe û li gel jinan hevdîtinan berdewam dikin. Namzeta Parlementeriya HDP'ê ya Dîlokê Gulseren Kocaer Komela Alîkarî û Şêwirmendiya Jinên Kedkar û Bêkes ziyaret kir. Di ziyareta ji aliya jinan ve bi sohbetên germ berdewam kir de Hevseroka Navenda DBP'ê ya Dîlokê Cahîde Mutlu, Hevseroka Navenda HDP'ê ya Dîlokê Dîlan Çetinkaya û jinên HDP'ê jî beşdarbûn.

Gulseren di hevdîtinê de balkişand ser di dema deshilatiya AKP'ê de zêdebûna cînayetên jinan û wiha domand: "Em ji ber gotinên zayendî û newekheviyê di vî halîdenin. Hemû berpirsyariya malê li ser milê me jinane li ev berpirsyariya me ji aliyê deshilatiyê ve ji nedîtî ve tê dîtin. Em her roj şerê hembûnê didin. Êdî dema li hember van derketinê û rawestandina wan hatiye. Emê jin ji bo jiyanek azad û welatek wekhev li deng û sindoqên xwe xwedî derkevin."

Paşê jî ji bo jinên Komela Alîkarî û Şêwirmendiya Jinên Kedkar û Bêkes şal xelat hatin dayîn.


(zt)