Jînda Asmen-Nûjiyan Erhan/JINHA

ŞENGAL - Fermandara hêza YPJ- Şengal Raperîn Nûrhak dest nîşan kir ku, hêza YPJ- Şengal tevgera tolhildana jinên Êzidî ye û wiha got: "Hêza me ya raman heye ku em parastin xwe bi xwe bikin. Bi teybet em wek jinên Êzîdî emê tu car parastina xwe ji însafê tu hêzan re ne hêlin."

Hêza YPJ- Şengal bi konferansek di 20 Adara 2015'de li bajarê Şengalê a Herêma Federala Kurdistanê bi aweyek fermî Yekîneya Parastina Jinên Şengalê (YPJ-Şengal) hat îlan kirin. Li ser vê yekê berî çend roj yekînek xweser a ku ji 18 jinên Êzîdî pêk tê hat avakirin. Fermandara hêza YPJ- Şengal Raperîn Nûrhak diyar kir ku, hêza YPJ- Şengal tevgera tolhildana jinên Êzîdî ên ku çeteyên DAIŞ revandine. Raperîn wiha got: "Hêza me ya ramanê heye ku em parastin xwe bi xwe bikin. Bi teybet em wek jinên Êzîdî emê tu car parastina xwe ji însafê tu hêza re ne hêlin. Li ser êrîşê çeteyên DAIŞ'ê hêzên heremê gelê Şengalê bê parastin hêşt û teslîmê dijim kir. Eger hêza HPG û YJA Starê xwe ne gihandiba heremê Şengalê dê niha tu şop ji gel nema ba. Li ser vê bingehê em bi hêz û îlhama ku ji şervanên HPG û YPJ Starê digrin, em rêxistin û hêzên xwe ya berxwedanê fereh dikin, di vê çerçoveyê de hêza YPJ - Şengal jî yekîneyê xwe ê xweser avakir."

'Pêşketina jinan pêşketina civakê diyar dike'

Raperîn da zanîn ku, ew wek hêza YPJ- Şengal hem perwerdeyên xwe ya leşkerî hem jî ya bîrdozî û ramyarî dibînin û xwe di her warê bi hêz dikin û wiha pêde çû: "Li kêleka çeperên şer û berxwedanê em di warê bîrdozî û ramyarî de bi felesfeya Rêber APO xwe perwerde dikin û xwe pêşdixin. Pêşketina jinan pêşketina civakê diyar dike. Ji ber vê yekê me giraniya xwe da perwerdeyên xweser. Em tevgera tolhildana, 6 hezar jinên Êzîdî yên ku çeteyên DAIŞ'ê dîl girtine û her wiha hêza întqama zarok û gelê me ên hatine qetilkirin in. Têkoşîna me ne tenê li hember çeteyên DAIŞ'ê dê li hember hemû hêzên dagirker bidome."

'YPJ- Şengal hêza garantiya azadiya jinên Êzîdî ye'

Raperîn her wiha destnîşan kir ku, ew weke hêza YPJ- Şengal yekînya xwe a xweser avakirine û beşdarî 'Hemleya Rizgarkirina' Şengalê bune wiha dirêjî da axaftina xwe: " YPJ- Şengal hêza garantiya azadiya jinên Êzîdî ye. Civakek ku rêxistinbûna wê nînbe her dem ji êrîşan re amede ye. Em wek gelê Êzîdî û bi taybet jî wek jinên Êzîdî riya xilasiya me tenê bi hêzkirina rêxistinbunê me wê pêk were. Ji ber vê yekê pêwîste em hêz û yekîneyên xwe fereh bikin." Raperîn di dawî de, anî ziman ku divê hemû ciwan cihê xwe di hemleya rizgarkirina Şengalê a dîrokî de bigrin û tevlî hêzê YBŞ û YPJ- Şengal bibin û wiha got: "Em bang li ciwanên Êzîdî yên ku li Tirkiyê, Ewropa û Rûsya yê dijîn ku beşdarî yekîneyên parastinê bibin. Werin em hemû bi hevre axa û heremê xwe rizgar bikin û biparêzin. Em hemû gelê xwe ya ku di hemleya rizgarkirina Şengalê de bune alîkar silav dikin û heskirinê xwe dişînin."

(rc)