JINHA

ŞIRNEX – Xebatên ‘Em bi zarokê Cizîrê re aşitiyê di axivin” bi forumekî bi dawî bû. Zarokan di forımê de daxwaz û fikrên xwe anîn ziman û gotin ku ew dixwazin berî ew bimrin aşitî pêk were.

Xebatên Komala Rojeva Zarokan ku ev sê rojin di bin navê “Em bi zarokê Cizîrê re aşitiyê diaxivin” bi dawî bû. Komeleya ku di çarçoveya amadekariyê Konferansa Demokrasî û Aşîtîyê de xebatan dimeşîne bi atolyeyên wek resîm, ritîm, radyo û dîmen xwe gihand zarokê Cizîrê û herî dawî jî bi forumekî nû hizrê gelek zarokan gûhdar kir. Foruma ku li parka 4 yola Cizîrê pêk hat de endamê Komala Rojeva Zaroka Ezgî Kuman axivî.

Zarokan aşitiyê xwest mezin giriyan

Ezgi da zanin ku ji sala 2012’an û vir de Konfaransa Aşitî û Demokrasiyê ji çareseriyê hin xebatan dike û wiha got: " Lê me ferq kir ku di van xebatan her dem bi mezinan re hatine kirin û lê li zarok û ciwanan nehatiye guhdar kirin. Me jî got divê em zarokan re jî Civînek pêk bînin û me got emê civîna yekem li Cizîrê pêk bînin." Piştî axaftinê sipîkera İMC’ê Ayşêgul Doxan foruma zaroka bi rêvebir û yek bi yek nêrînê zarokan girt. Zarokê bi navê Hoza Serhet rakir mikrafonê û got, 'berî ku ew bimrin dixwazin aşîtî çêbibe'. Bi vê axaftinê kêlîyên hestiyar hatin jiyan kirin. Zarokên Cizîrê xwestin ku ji bo xuşk û birayên wan vegerin malê derfet bên amadekirin. Her wiha zarokan daxweza Rêberê gelê Kurd Abdullah Ocelan serbest were berdan kir û hem jî daxweza girtiyan werin berdan kirin. Zaroka diyar kirin ku eger HDP'ê bi ser bikeve îhtîmala aşitiyê heye û ji bo ku ser bikeve banga piştgiriyê kirin. Piştî axaftina zarokan, berhemê ku zarokan di atolyayan de çê kirin hatin temaşe kirin. Her wiha piştre zarokan û hûnermend Reqso sitran gotin. Piştî şahiyê sitrana vê carê zarok û heyeta ku hatibu Cizîrê bi hevre govend gerandin.

'Daxwazê zaroka min matmayî hişt'

Ayşegul Doxan foruma zarokan nirxand û da zanîn ku zarok li Cizîrê di salên 90'î de jî li ser mijarê aşîtiyê axivîne û wiha pêde çû: " Wek kesek li Cizirê mezin bume, min texmîn dikir ku zarokên Cizîrê çi bêjin, lê têştê ku min matmayî hişt zarokek 7 salî dibêje 'Bila heyata imraliyê biçe giravê ji bo ku aşitî çêbibe' ev ne rewşek asayi ye. Disan cardin zarok dibêjin 'eger aşîtî pêk were' wê ceyran neçe ev yek hem ji aliyê ewlekari û hem jî, ji aliyê civakî ve tiştekî destnîşan dike. Xeyalê zarokan rewşek girîng îfade dike."

'Hêjî di van kolanan de zarok tên qetilkirin'

Ayşegul diyar kir ku ev pênç salin weşanê zindî dike lê wek îro bi kelacan nebuye û wiha domkir: " Di salê 80’ê û 90’î de ez li Cizîrê bûm û zaroktiya min li vê derê derbas bû. Di Newroza wê demê de mirov dihatin kuştin lê niha hêjî di van kolanan de zarok tên kuştin. Lê tiştêkê ku niha merov kêfxweş dike zarok êdî dikarin di dibisatana de bi zimanê xwe biaxivin." Eyşegul bi lêv kir ku neyartî di dilê zarokan de tune ye û wiha pêde çû: "Tevî hemû êşên şer jî cardin destê xwe dirêj dikin û ji bo ku destê wan were girtin di nav hewildanek mezin dane. Pêwiste ev deng were bihîstin." Ayşegul anî ziman ku ev çend neslê zarokan, zarokatiya xwe najîn û wiha dawî li axaftina xwe anî: " Ez hêvî dikim ku zarokê vê derê jî wek zarokê her derî karibin zarokatiya xwe bijîn."

Endama Komaleya Rojeva Zarokan Civaknas Yeşim Mutlu jî xebatên xwe yê sê rojan nirxand û diyar kir ku, ew gelek tişt ji zarokan fêr bûne û wiha axivî: " Di atolyeyê xwe de me xwest em hîn bibin ka daxwaz û hêviyê zarokan çine." Yeşim da zanin ku gelek peyamên zarokan yên giring hene û wiha pêde çû: " Xwestekên zarokan ji HDP’ê ji hukumêtê, ji Berzanî heta ji Obama re jî hene. Naxwazin zarok û ciwan bimrin, zarok çekan naxwazin, ji DAİŞ’ê gelek acizin û dixwazin rihet derên kolanên xwe. Naxwazin hikûmet vê pêvajo yê bi vî şêwayê berdewam bike, dixwazin Rêberê Gelê Kurd Abullah Ocelan serbest were berdan." Yeşim balê kişan ser polîtikbûna zarokan û got ku ji ber zarok di hemû pêvajoyan de cih digrin ev yek xalek girînge, lê pêwiste zarok ji bilî polîtikayê bi rêyê din jî karibin xwe ifade bikin. zarok ji pêvajoyê ne razî ne û xwe di nav ewlehi yê de hisnakin."


(ma/rc)