JINHA

ŞIRNEX- Li Şirnexê xebatên hilbijartinên bê navber dewam dikin. Namzete HDP’ê li Hezexê di xwrina ji bo piştgiriya HDP’ê de axivî û diyar kir ku, ewê bi hêza jinê jiyanek nû ava bikin. Namzeta HDP’ê Leyla Birlik jî di civîna bi jinan re de axivî û gotinê serok wezir Ahmet Davutoxlu rexne kir û wiha got: "Dibêje ezê deriyek din li milê Roboskiyê vekim bila pêşî hesabê Roboskî yê bide dûv re derî veke."

HDP’ê bi nêzikbûna hilbijartinê re lez da xebatên xwe. Jin di van xebatan de pêşengtiyê dikin û ji xeynî xebatên giştî xebatên xweser jî dikin. Xebatên hilbijartinê bi şev û roj bê navber dewam dikin. Di saetê sibê de jinan bi jinên Suryanî, Ermenî, Kurd û gelek karsazê jin re li Hezêxê xwarina piştgiriya HDP’ê pêkanîn. Di saetê nivro de jî gundê Mîdih ê Suryan hat ziyaretkirin. Bi şev jî jinan li Şirnexê civînek pêk anî. Jinên Şirnexê hatina serok wezir a Şirnexê şermezar kirin û gotina wî ya 'Toros û Cudî yek e' rexne kirin û gotin bila Davutoxlu bîne bîra xwe ka çend caran agir berdaya daristanê.

Jinên Kurd, Asurî û Ermenî Li Hezexê ji bo piştgiriya HDP’ê civiyan

Jin li navçeya Şirnexê Hezexê di xwarina piştgirtinê de hatin cem hev. Namzeta HDP’ê Aycan îlmez, Hevseroka HDP’ê Asmîn Kiraç, Hevseroka Slopiyayê Emine Esmer,Hevseroka şaradariya Hezexê Nevin Oyman, Endamê Eğitim- SEN a Hezexê, gelek karsaz, Sûryanîyên bajêr û gelek jin tevlî xwarina piştgirê bûn li vê derê Namzata HDP’ê Aydcan İrmez axivî. Aycan ji ber ku ji hemu nasnameyên cuda ê Mezopotamya tevlî cîvîna wan bûne kêfxweşiya xwe anî ziman û wiha axivî: “ Em tev dizanin ku dinya bi hişmendiya baviksalariya mêr tê bi rêve birin. Dema em li Tirkiyê jî dinêrin ev rewş eynî ye. Me jî wek jin li hember vê her tim têkoşîn da û emê têkoşîna xwe bi domînin.” Aycan da zanin ku ancax jin karibin jiyanek nû û azad avabikin.

Gundê Suryaniyan Mîdîn hat ziyaretkirin

Piştî xwarinê jinan gundê Mîdin(Öğübdük) ziyaret kirin.Parlementerê HDP’ê yê Suryanî Erol Dora teşkilata HDP’a û DBP’a Mêrdîn û Midyadê jî beşdarî zîyaretê bûn. Li vê derê Erol Dora axivî. Erol diyar kir ku tevî ku gelek welatiyên Suryanî koçi Avruapa kirin jî gelê Mîdinê li ber xwe da ye û neçu ye Avrupa û wiha axivî:” Hebuna we vê derê gelek girînge e li ser israra mayina we ya li gund, Suryaniyên gundê din jî cesart kirin û man." Erol bi lêv kir ku hin jî ew li van kolan dibihîze ku zarok bi Suryanî di axivin û Ev deng diyar dike ku hîn jî ev gund dijî. Piştî Erol Hevseroka HDP’ê Asmin Kiraç jî axivî û diyar kir ku Erol dora di parlementoya Tirkiyê de yekemîn parlementerê Hiristiyan e û ji bo ku dengê gelê kêmjimar bide bihîstin şansek mezin e.” Erol li ser daxwaza Rêber Gelê Kurd Abdullah Ocalan hat hilbijartin û li ser navê me gelek mijarê girîng anî rojeva Meclisê."

‘Çiyayê Cudî bi xwîna şehîdan hatiye avdan’

Piştre KJA yê civîna gel bi jinan re pêk anî. Namzeta HDP’ê Leyla Birlik, Hevseroka DBP’ê Zozan Anık, Hevseroka Şaradariya Şirnexê Eylem Onuk tevlî civîna ku li biroya hilbijartinê ya li Qada Omer Kavak pêk hat bû û li vê derê Leyla Birlik axivî. Layla diyar ku civak ji jinê pêktê û wê jiyana nû jî bi hêza jinê were ava kirin. Leyla Balê kişan ser mîtinga AKP’ê ku li Şirnexê pêk hat û gotinên Ahmet Davutoğlu yên wek “Çiyayê Toros û Cudî yekin” rexne kir û ev tişt got:”Em ji Davutoxlu re dibêjin çiyayê Cudî bi xwina şehîdan hatiye avdan li metreyek çiyayê Cudî şehîdek me heye.” Leyla got ku dewletê bi bombe baran tu dar li çiyayê Cudî nehiştiye û pirs kir ka wê çawa çiyayê Cudî û Toros bibin yek.Leyla got ku AKP’ê ji bajarê derdorê aniye û dest bi derawa kirye û wiha pêde çu:” Dibêjin emê tirênê zu bînin, emê derîyek din li milê Roboskî vekin ka bila pêşî hesabê Roboskî bidin.

‘Emê hesabê darê şewitandî bi pirsin’

Piştî axaftina Leyla, jinên Şirnexê jî mafê axaftinê girtin û gotin ku tirênê zû naxwazin û ew serokê xwe, gerîlayê xwe û azadiya xwe dixwazin jinan got ku bila dewlet bîna bîra xwe çend caran agir berdaye Çiyayê Cudî, Gebar û Çiravê û hîn nû çiyayê Cudî û Toros bibin yek. Jina got ku ewê hasabê darên şewitandî ji AKP’ê bipirsin û ew dengê xwe nadin AKP’ê û durêşmên “Deng namus e namus nayê firotin” berz kirin piştî axafina jinan li Qadê heya derengê şevê govend hat gerandin.

(ma/rc)