Bêrîtan Elyakut /JINHA

AMED - Siwana têkoşîna Azadiya Jinên Kurd KJA komeleya xwe saz kir û êdî dê di bin baneyê komeleyê de têkoşîna xwe berdewam bike. KJA bi sazkirina komeleyê re armanc dike ku xîtabî hemû jinên cîhanê bike û hemû jinên cîhanê di bin baneya xwe de kom bike. Sazûmankara Komeleya KJA'ê Sara Aktaş, anî ziman ku bi berxwedan û têkoşîna wan a ku berdewam dike ji bo hemû jinên cîhanê bûye hêvî û wiha got: "Me wekî tevgera Jinên Azad a Kurd, KJA îlan kir. Niha jî em bûn komele û li ser esasê têkoşîna azadiya jinên kurd, armanc dikin ku li ser 9 xalên bingehîn xwe bigînin girseyên nû."

Tevgera Jinên Azad û Demokratîk (DOKH), bi şîarda "Bi jina ber bi azadiyê ve dimeşe re, ber bi neteweya demokratîk" di 31 Çile û 1'ê Sibatê de Kongreya Jinên Azad (KJA) pêk anî. Jinên kurd di bin baneyê KJA'a de li hev kom bûn û biryarên girîng girtin. Dîsa di kongreyê de biryar dan ku bibin komele û xwedî hêzek rêzîknameyê (Tuzel). KJA li ser vê biryarê komele ava kir û îlan kir. Tekildarî komelebûna KJA'ê sazumankara KJA'ê Sara Aktaş, nirxandin kir. Sara Aktaş, anî ziman ku avakirina KJA'yê ji bo wan wateyek dîrokî ye û wiha got: "Bingeha sazîbûna me xwe ji têkoşîna salên 1970'an digire. Bi têkoşîna gelê kurd a salên 1990'an û şûnde me dest bi rêxistinbûna xwe ya xweser kir. Di sala 1992'an de me Komeleya Jinên Welatparêz, di sala 1993'an de Komeleya Jinên Azad ava kir."

'Me di bin sîwana DOKH'ê de şoreşên mezin pêk anî'

Sara, destnîşan kir ku DOKH, ji bo jinên kurd li çar perçeyên Kurdistanê nasnameya jina azad pêş xist û li Rojhilata Navîn pêşengiya jinê kir. Sara, destnişan kir ku piştî DOKH'ê xîtabî girseyek mezintir kir, xwe zîvirand kongreyê û wiha got; "Ji ber hewcedariya paradîgmaya bîrdozî û felsefîk bawerî û nasnameyên cuda di bin baneyên xwe de hewand."

'Me hemû xebatên kongreya xwe xist rêziknameyê'

Sara, da zanîn ku piştî kongreyê bi boneya xwe bigînin hemû jinan û girseyên hîn mezintir û firehtir kongre kirin komele û kirin xwedî rêzikname. Sara, anî ziman ku ew hêj kongre ne û dê wekî kongreyê xebatên xwe berdewam bikin. Lê hemû xebatên kongreyê di rêziknameya komeleyê de bi cih kirine û wiha axivî: "Me rêzîknameyek pir fireh ji bo komeleyê amade kiriye. Hemû xebat û projeyên kongreyê di bin baneyê xwe de vedihewîne. Piştî me bedelên giran dan em rewa hatin dîtin. Bi berxwedan û têkoşîna wan a ku berdewam dike ji bo hemû jinên cîhanê bûye hevî. Me wekî tevgera Jinên Azad a Kurd, KJA îlan kir. Niha jî em bûn komele û li ser esasê têkoşîna azadiya jinên kurd, em armanc dikin ku li ser 9 xalên bingehîn xwe bigînin girseyên nû. Xebatên me yên azadkirin û rêxistinkirinê bi vê rêzikname û komeleyê êdî fermî ye. Ji niha û şûnde em dê bêtir fermî û hêzek mezintir xebatên xwe berdewam bikin." Sara, daxuyand ku êdî tu tişt nikare wan asteng bike û rê li pêş wan bigire û wiha dawî li gotinên xwe anî: "Me wekî tevgera jinên kurd bi deh salan e bedelên giran dan. Em bi bedelên giran û têkoşinek mezin gihaştin vê rojê û me ev maf bi dest xist. Em dê di 29'ê Gulanê de Navenda Kongreyê vekin. Yekem car Navenda Kongreya me ava dibe. Ji ber vê yekê vekirinek bi heybet dê pêk bê. Em derbasî pêvajoya hilbijartinê bûne û di hilbijartinê de 275 endamên me yên jin hene. Niha me 275 jin endam nîşan daye û ev yek ji bo me pêngavek şoreşê ye. Çawa ku pergala hevserokatiyê wekî nunertiya wekhev ket meriyetê, dê di vê hilbijartina wekîlan de jî nûnertiya wekhev di cîhanê de bibe çavkaniya hêzê. Em bang li hemû jinên azadîxwaz dikin ku di 29'ê Gulanê de li Parka Ekin Cerenê beşdarî vekirina KJA'yê bibin."

(mae/rc)