Hemleya Şehîd Rûbar Qamişlo ji aliyê jinan ve hat pîroz kirin
19:32
JINHA
HESEKÊ - Jinên bajarê Hesekê serkeftina hemleya Şehîd Rûbar Qamîşlo pîroz kir.
Derbarê hemleya şehîd Rûbar Qamîşlo û rizgarkirina Çiyayê Ebdelezîz û gundên bejahi ya kantona Cizîrê jinên bajarê Hesekê yê kantona Cizîrê kêfxweşiya xwe anîn ziman. Endama Saziya Malbatê Şehîda Selwa Xidir rizgarkirina Çiyayê Ebdelezîz pîroz kir û wiha got: ''Ez rizgarkirina Çiyayê Ebdelezîz li Rêberê Gelê Kurd Ebdullah Ocelan û şervanên YPG,YPJ'ê yên ku serkeftinên mezin ji bo azadiyê û avakirina civakeke demoqratîk û azad pîroz dikim. Ji bo şehîdên azadiyê dibêjin hevalên we soza tolhildana we pêkanîn û derbeyên giran li çeteyan dan.''
Endama malbata şehîdan Zerka Mihemed wiha peyivî: ''Jinan jî di vê hemleyê de roleke ektîv ji bo serkeftinê lîstin û moral bi çêkirina xwarinê û hilgirtina çekan û parastina nava bajar de dan şervanan û jin di her warî de xwe îsbat dike. Hêviya me ji tevahî gelê ku dev ji welatê xwe berdane ku îro vegerin mala xwe û avakirina welatê xwe bibînin û bibin hevkarê vê avakirinê.''
Heman demê de EndamaYeketiya Ciwanên Demoqratîk Roha Dahir wiha got: ''Çeteyên DAIŞ'ê li Kobanê bi bin ketin. Ev yek jî di saya berxwedana bê hempa ya şervanên YPG û YPJ'ê ye. Ji ber vê pêwîste her kes xwedî li rûmetê xwe derbikeve."
(ee/rc)