JINHA

DENİZLİ - Di pêşeroja karkerên jinên Denizliyê yên di sektorên testîlan de dixebitin HDP derbas dibe gotin: "Em dixwazin bi azadî bijîn û bixebitin. Ji ber wê jî her dem dengê min diyare."

Denizliyê weke bajarê pişesaziyê tê zanîn bi têrayî sektorên tekstîlê jî lê hene. Kedkarên jin yên ku di sektorên tekstîlan de dijîn girêdayî karê xwe û hilbijartina ku nêz dibe nirxandin kirin. Jinên kedkar dan zanîn ku ji bo li Tirkiyê aştiyek mayînde bikeve meryetê dê dengê xwe bidin HDP'ê.

Fatma Ozturk ya ku 8 salin di sektora tekstîlê de dixebite wiha got: "Li gorî kar cihê me tê guhertin. Hinek moda bi zorê tên amadekirin. Hinek moda jî nabin. Em zarokbûn pêdiviya me bi karkirinê hebû, em wêdemê ketin nava karê tekstîlê. Karê me başe, ji ber pir mêr nîne em rehetin. Em dikarin weke jin bi hev re sohbetê bikin. Navendên jinan gelek başin." Fatma bilêv kir ku dê dengê xwe bide HDP'ê û wiha domand: "Yê maf bike dê serbikeve. Ya baş çiye dê wê bikin. Em naxwazin kurd bên perçiqandin. Em dixwazin hemû bi hev re bi azadî bijîn. Ji ber wê jî her dem dengê min diyare."

'Ez teqawîtim lê neçarim bixebitim...'

Necla Kocakaya jî 30 salin di nava testîlê de dixebite jî da zanîn ku ev saleke ew teqawît bûye û wiha berdewam kir: "Li gel ez teqawît bûme jî lê neçarim ku bixebitim. Ji ber kêmaniya muçe divê di malekê de du kes bixebitin. Yan jî em nikarin îdara xwe bikin. Ji ber wê jî jin neçarin bixebitin. Tayîbetî jî di karên testîlê de dixebitin." Necla girêdayî hilbijartinê jî wiha axivî: "Kî bixêr bixebite bila ew bi serkeve. Lê bila yê aboriyê başbike derkeve pêş. Bila ev hilbijartin ji bo her kesê bi xêr be. Her kes xwe li ser lingê xwe bigire tiştek xweşe. Bila jin jî bixebitin û heqedesta xwe bigirin."

'Em 12 saetan dixebitin'

Ayşe Ozkaran jî bilêv kir ku 9 salin di nava karê testîlê de dixebite. Ayşe derbirî ku ew 12 saetan dixebitin û got: "Em naxwazin şer û pefçun êdî bên jiyandin. Bila êdî welat ber bi aramî û xweşiyê ve biçe. Ez dixwazim aştî çêbibe."


(zt)