JINHA

SİLÊMANÎ - 3'emîn Kongra RJAK'ê bi duruşma 'Bi jina azad ber bi civaka azad ve' bi 200 delege û 50 mêvanan despêkir.

3'emîn Kongra Rêkxirawê Jinên Azadîxwazên Kurdistan (RJAK) ê li bajarê Silêmaniyê bi duruşma "Bi jina azad ber bi civaka azad ve" despêkir. Di nava dawetiyên kongrê de Hevseroka Kongra Netewa Kurdistanê (KNK) ê Nilufer Koç, Nûnera Buro ya Partiya Herêmên Demokratîk (DBP) ya Hewlêr Şukran Dikmen, Nûnera Rêxistina Yekitiya Star ya Silêmaniyê, nûnerên partiyên Goran û YNK'ê, nûnerên komên jinan yên Jiyan û Arîn, akademisyen û nivîskarên jin, herwiha nûnerên jinên ereb, êzidî û kakayî jî cîh girtin.

Li Salona Konferansê di serî de wêneyê Rêberê PKK'ê Abdullah Ocalan, Viyan Soran û gelek jinên di tekoşîna azadiyê de jiyana xwe ji destdane hatin hildan. Kongreyê bi deqeyek rêzgirtina ji bo giyanê cangoriyên azadiyê hat despêkirin. Dê kongre bi xwendina rapora Komîta Amadekar, hilbijartina dîwanê, axaftina vekirinê, xwendina peyaman, rapora xebatên RJAK'ê ya 3 salan, hevpeyîman, biriyar û hilbijartinan bedewam bike.

Di sala 2002'an de RJAK bi navê Tevgera Jinên Azadîxwazên Kurdistanê (TEJAK) hat avakirin. Di sala 2011'an de bi kongra 2'emîn re bi navê Rêkxirawî Jinên Azadîxwazên Kurdistan (RJAK) hat avakirin. Di 10'ê Gulana 2015'an de bê ku hikumeta Herêma Kurdistanê ti hincetan nîşanbide girtin. RJAK di dadgehan de hîna parastina xwe ya hiquqî berdewam dike.

(zt)