Şahiya gel bi rizgarkirina gundan
11:15
JINHA
SERÊKANIYÊ- Ji 6'ê Gulanê ve YPG û YPJ'ê li bejahiya kantona Cizîrê hemleya Şehîd Rûbar Qamîşlo daye destpêkirin û serkeftinên mezin di vê hemleyê de hatin bidestxistin û ji bo pîrozkirina van serkeftinan gel şahiyan lidardixin.
Duh di saat 4'an de li bajarê Serêkaniyê yê kantona Cizîrê gel derket kolanan û rizgarkirina gundê Mebrûka, Rewiya û Til Xenzîr ku dikevin Rojavayê Serêkaniyê pîroz kirin. Di şahiyê de gel bi durişmeyan berxwedaniya YPG ûYPJ'ê silav kirin û dayikan bi tilîyan şervanan pêşwazî kirin.
'Tola şehîdên me tê hildan'
Di şahiyê de jina bi navê Ezîza Ismail kêfxweşiya xwe anî ziman û wiha got: ''Em îro bi serkeftina hemleya YPG'ê û rizgarkirina gundan gelekî kêfxweşin. Şervanan îro sozê xwe ji bo hevalên xwe yên şehîd pêktînin û xwîna wan li erdê ne hêştin, em zêdetirî vê nikarin kêfxweşiya xwe bînin ziman ji ber ku hestên kêfxweşiyê nahêlin em biaxivin''
Şahiya gel bi durişmeyên''Bijî berxwedana YPG û YPJ'ê '' û gera di nava bajêr de bi dawî bû.
(de/rc)