JINHA

AMED - Cemyeta Rojnamegerên Azad balkişand ser êrîşên vê dema dawî ser nûçegihanên JINHA yê tên kirin û diyar kir ku bi zanabûn rojnamegerên jin hedef digirin.

Cemyeta Rojnamegerên Azad girêdayî dema dawiyê êrîş, tehdît û tindiya ser nûçegihanên JINHA yê tên kirin daxuyaniyek nivîskî weşand. Di daxuyaniyê de hat zanîn ku di cîhanê de di aliyê azadiya çapemeniyê de Tirkiye di rêza dawiyê deye û wiha hat gotin: "Di tevahiya cîhanê de Tirkiye welatê herî zêde rojnamegeran di girtîgehan de dide girtine, li gel wê jî di dema hilbijartinê de tinî û tehdîda ser rojnamegeran jî zêde kiriye. Serokomar Tayyip Erdogan rojnameger û organên çapemeniyê tehdîd dike û hêzên parastinê yên girêdayî hikumeta AKP'ê jî radike ser lingan. Kesimên ji deshilatiyê fermanan digirin, bi her awayî êrîşî çapemeniya azad dikin."

Daxuyaniyê wiha berdewam kir: "Gelek dozên ji bo Gernendeyê Karê Nivîsan yê Azadiya Welat Îsmail Çoban di navbera salên 2014 û 2015'an de ji ber hinek nûçeyên hatine weşandin bi hincentên weke 'propagandaya rêxistinê' hatine vekirin û gelek ji wan dozan jî cezayê peran hatiye birîn. Hîna gelek dozên di derbarê rojnamê de berdewam dikin. Ji bo Gernendeyê Karê Nivîsan yê Azadiya Welat yê berê Aydin Atar jî bi hincetên 'propexanda û pere' hatin vekirin. Gernendeya Karê Nivîsan ya Rojnama Ozgur Gundemê Rehyan Çapan û Gernendeyê Karê Nivîsan yê berê yê Rojnama Ulus ê Arafat Dayan gelek ji wan bi ceza bidawîbûne. Gernendeya Karê Nivîsan ya Kovara Hêviya Jinê Nadire Aslan jî gelek doz û lêpirsînên bi hincetên cuda hatin vekirin. Ji dema deshilatiya AKP'ê di salên 2004 -2007'an de bi hinceta tevlî Roj Tv î bûne li 45 rojnamegeran doz hat vekirin. Di mehên derbasbûyî de di derbarê Sahibê Îmtiyaza Mala Weşanê ya Aramê Engin Erden de di navbera salên 2013-2015'an de hemû pirtûkên hatine weşandin bi hincetên 'propagandaya rêxistinê dike' lêpirsîn hat despêkirin. Her wiha di derbarê weşana Ozgur Gun Tv ya ji sala 2013'an heya niha de jî heman lêpirsîn hatine despêkirin."

Ser nûçegihanên JINHA yê tehdîd û tacîz

Di daxuyaniyê de balhatkişandina ser êrîşên dema dawiyê ser nûçegihanên Ajansa Nûçeyan ya Jinan (JINHA) yê û wiha hat dom kirin: "Di 20'ê gulana sala 2015'an de dema ku nûçegihana JINHA yê Zeynep Akin nûçe dişopand du kesên êrîşkar dema ku nêzî wê bûn despêkê ji ber kincên hempîşeya me gotin ji bo wê kirin û paşê jî bi çekê û mirinê ew tehdîd kirin. Destên qirêj yên bi kêran di salên 90'an de êrîşî Çapemeniya Azad dikirin niha jî di van demên dawiyê de xwe didin der û nûçegihanên jin hedef digirin. Di 24'ê gulanê de nûçegihana ajansê Bêrîtan Canozer dema ku di saetên şevê yên navbera 20.50'î deqan de diçu mala xwe mêrek yê li ber re derbasbû bi gotinên weke 'Ji bo kêşana benê we kêm maye, li bendê bimînin' ew tehdît kir. Di meha nîsanê de jî ji bo kêşana bernamê nûçegihanên JINHA yê Asiye Tekin, Guler Can û Asya Erdogan yên ku li Tokat, Sêwas û Meletiye digeriyan di nava wesayîtê de her dem dihatin teqîpkirin û hempîşeyên me nerihet dikirin, li pêşiya xebatên wan dibûn asteng. Li gel ku hempîşeyên me serî li qereqolê dan jî lê tiştek nehat kirin."


(zt)