Rojda Serhat-Zerin Kurtay/JINHA

ROJAVA -
Li Kantona Cizîrê di 6'ê Gulanê de bi navê "Hamleya Fermanda Robar Qamişlo" operasona hat despêkirin darbeyên giran li çeteyan dan. YPG û YPJ'ê di çarçoveya operasonê de Çiyayê Kezwanan bi tevahî ji destê çeteyên DAIŞ'ê rizgarkir. Şervanên YPJ'ê yên ku di hamleya Çiyayê Kezwanan de cîh girtine berxwedana hatî jiyandin nirxandin. Ji şervanên YPJ'ê Jiyanda Asi Çarçella wiha got: "Ji despêka hamileyê heya niha ez li vêderême. Sekna şervanên YPJ'ê çavê çeteyan tirsandin. Şervanên jin şahidî ji çeteyên ku şer nekirine çekên xwe hêlane û reviyane kirine. Çete ji me gelek ditirsiyan. Em îro gelek rêbazên şerê deruniyên çeteyan dibînin. Bi tayîbetî jî serjêkirin, revandina zarokan û tecawîzkirina jinan... Çeteyên ku hemû cîhanê tehdîd dikin ji me jinan ditirsin, çekên xwe bi cîh dihêlin û direvin."

'Ti hêz nikarin li hember vîna jinan li ber xwe bidin'

Şervanek din ya YPJ'ê Asmin Amed jî wiha axivî: "Di şer de çete ji tilîliyên jinan ditirsin û direvin. Jin bi vîn û tilîliyên xwe diçin şer. Ti hêz nikare xwe li hember vîna jinan ya şer kirinê bigirin. YPJ hêzek ya hemû jinên ji bawerî û rengên cuda di heman çeperê de komkirine. Girtina vî çiyayî ji destê çeteyan ji bo me gelek giringe. Ji ber wê jî girtina çiya ji bo me hemûyan bû hêz û moral. Her wiha me dît ku dijmin çiqas bê hêz û bê vîne. Em bi giyana serkeftinê diçin şer û bi wê hêviyê serdikevin. Em her dem ji bo parastina gelê xwe amadene."

(zt)