Jinên ciwan: Emê 8'ê Hezîranê bi dîlanê derbaskin
11:52
JINHA
STENBOL - Jinên ciwan yên ku di nava xebatên hilbijartinê yên HDP'ê de cîh digirin diyar kirin ku li gel hemû astengiyan jî dê 8 hezîranê bi gerandina govendê pîroz bikin.
Xebatên hilbijartinê yên 7'ê Hezîranê bi hemû leza xwe berdewam dike. Di nava xebatên hilbijartinê de beşdariya jinan carekdinê nîşan dide ku HDP partiya jinane. Ji Koordinasyona Jinên Ciwanên HDP'ê ya hilbijartinê Berfin Azdag da zanîn ku ciwan bi zêdeyî beşdarî nava xebatên jilbijartinê dibin û got: "Ji despêka xebatên hilbijartinê heya niha ji şanazî û hêviya me tiştek kêm nebûye. Li Kurdistan û Tirkiyê gelek êrîşên ser buroyên me hatin kirin çêbûn. Bêguman di van êrîşan de em hêrsbûn, lê me bi wê hêrsê lez da xebatên xwe yên hilbijartinê. Demek kin ma her şev heya saet 9-10'ê şevê em li nava xebatanin."
Xwendekara Zanîngeha Stenbolê Tansu Pişkin jî wiha axivî: "Ji bo ku weke jinek bi rehetî derkevim kolanê, ji ber ku ez zanîngehek demokratîk dixwazim, ji ber ku di nava jiyanek bedew de li gel mirovên xweşik bi wekhevî jiyankirinê dixwazim ji ber wê jî ez di nava HDP'ê deme. Ji gelek aliyan ve êrîş dikin lê emê li hember êrîşan nekevin. Ew xira dikin em ji nû ve avadikin. Em jin ji bo 7'ê Hezîranê li ber xwe didin û hêvîdarim emê şahiya vê berxwedanê di 8'ê hezîranê de bikin."
(zt)