Nûjiyan Erhan /JINHA

ŞENGAL - Şervanên YJA Starê ên suîqestkar li çiyayên Şengalê cihê stratejî bi dest xistine. Ji ber vê yekê bûne tirsa xewna çeteyên DAIŞ'ê.

Çeteyên DAIŞ'ê ên ku di 3'ê Tabaxê de êrîşê Şengalê kiriye, bi hezaran jin revand û li bazaran firot û tecevûz kir. Ji bo tolhildana jinên Êzîdî ên ku hatine revandin, gerîllayên YJA Starê bi taxtîk û stratejiyên cuda li çiyayê Şengalê derbeyên giran li çeteyan didin. Ji nav taxtîkên leşkerî ya ku jin di navde serkeftî ye serdegirtin, sabotaj, tacîz, tevgerên veşartî û her wiha suîqestkariye. Bi giştî gerîllayên jin di çalakiyan de çekên Qarnaz û çekên Zagros û Şiyar ya ku ji aliyê gerîllayan ve hatî çêkirin li hember çeteyan bi kartînin ev yek jî buye kabûsa çeteyên DAIŞ'ê.

Li çiyayên stratejîk jinên suîqestkar hatin bi cih kirin

Tirsa çeteyên DAIŞ'ê ew ku ji aliyê jinek ve werin kuştine. Çete dihizirin ku eger bi destê jinan werin kuştin dê neçin cennetê, lê li beramberî vê yekê li hemû çiyayên stratejî ên Şengalê jinên suîqestkar hatine bi cih kirin. Gerîllayên YJA Starê bi çalakiyên xwe ya bi bandor hesabê hovîtiya ku çete pêk anîne dixwezin. Li hember dagirkeriya çeteyan bersiva herî bi bandor ji jinan tê. Gerîlayên jin li hember çeteyan şerdikin û tola jin û gelên Êzîdî û Asûrî digrin û ji bo parastinê erkê xwe bi cih tînin.

(rc)