TİL TEMİR - Şervana YPJ'ê Ruken Mazîdar ya ku di 'Hamleya Fermadar Rubar Qamişlo' de cîh digire diyar kir ku wan soza tolhildana jinên asurî û suryanî dane û dê heya dawiyê li hembe çeteyên DAIŞ'ê şer bikin.

Di "Hamleya Fermandar Rubar Qamişlo" de şervanên YPJ'ê parastina axê berdewam dikin. Şervana YPJ'ê Ruken Mazidar ya ku di hamlê de cîh digire wiha axivî: "Armanca operasyona me hem tolhildana hevalên me yên şehîde û hem jî tolhildana jinên asurî û suriyaniye. Me peyîwira ku şehîdên me ji bo me hêlayî anî cîh. Me xeyalên wan anîn cîh."

'Emê heya dawiyê axa xwe biparêzin'

Ruken bilêv kir ku dê li hember çeteyan heya dawiyê axa xwe biparêzin û bi vîna jinan serkevin. Ruken anî ziman ku ti hêz nikarin jinên rêxistinkirî têkbibin û wiha berdewam kir: "Çiqas jin bi rêxistinkirî û hişmendî bin ew qas jî nêzî azadiyê ne. Berî ku ez beşdarî nava şer bibim min ji bo xwe di got 'Ma ez dikarim çî bikim.' Paşê jî beşdarî nava şer bûm. Di nava şer de min gelek hevalên xwe winda kir. Bê hêza ku min ji wan girtî ez niha li eniyê me. Em na xwazin dayîkên me bigirîn. Li hember dayîkan û civakê berpirsyariya me heye. Emê heya dawiyê axa xwe biparêzin."

(zt)