Yekîtiya Star: Dê serkeftina HDP'ê bibe azadiya vînê
12:36
JINHA
NAVENDA NÛÇEYAN – Koordînasyona Yekîtiya Star, destnîşan kir ku li Bakûrê Kurdistanê û Tirkiyê pêvajoya hilbijartinek dîrokî tê jiyandin û serkeftina HDP’ê wê bibe serkeftina vîna azad.
Koordînasyona Yekîtiya Star derbarê hilbijartinên parlamenteriyê ku dê di 7’ê Hezîranê de li Tirkiyê û Bakûrê Kurdistanê bêne lidarxistin de, daxuyaniyek nivîskî weşand. Daxuyanî wiha ye: “Li Tirkiyê û Bakûrê Kurdistan ê hibijartinên dîrokî dest pê dikin û Partiya Demokratîk a Gelan (HDP) rojên dîrokî jiyan dike. Bi sala ye HDP berxwedanî û tekoşînê ji bo vîn û azadiya gelan dike. Serkeftina HDP’ê di van hibijartinan de serkeftina vîna azad û demoqratîk e, ji ber vê yekê êrîşên AKP’ê û hevkarên wê yên nîjadperest, ji bo reşkirina HDP’ê zêde bûne . Li aliyê din êrîş li ser endam û buroyên HDP’ê têne kirin. Ev yek dide diyarkirin ku AKP di van hibijartinan de winda bunekê jiyan dike, li hemberî wê, her ku diçe hêza HDP’ê mezin dibe û metirsiyê li gel wan çêdike lewre dest bi van planên qirêj kirine.
Em wekî Yekîtiya Star bang li hemû gelê Bakurê Kurdistan û Tirkiyê, bi taybetî jî bang li jinan dikin ku bi rengekî girseyî tevlî hilbijartinên 7’ê Hezîranê bibin û dengê xwe bidin HDP’ê. Ji ber ku ew ê bi awayekî demokratîk û edalet bi hemû pêkhateyên wê ve xwedî li vîna gel derdikeve. Ji bo vê yekê pêwîst e hemû gelê li Bakurê Kurdistanê û Tirkiyeyê, bi taybet gelê kurd û jin li vê derfeta dîrokî xwedî derkevin û qezenc bikin.”
(zt)