JINHA

RIHA - Jinên Rihayê yên ku deshilatiya hişmendiyas mêran bi giranî ser xwe hîs dikin diyar kirin ku ew dixwazin li hember îstismara zayendî li meclisê xebat bê pêşxistin.

Ji bo hilbijartina 7'ê Hezîranê ya ku çend roj mane li Rihayê hemû partiyên siyasî xebatên xwe birêve dibin. Rihaya ku bi giştî şêniya wê nêzî 2 milyonane 974 hezar û 219 dengdêrên li ser sindoqan deng bixebitînin hene. Li gel axa wê ya bi berhem jî yek ji navendên herî zêde koçberiya karkerên demsalê lê tê jiyîne. Me ji jinên ku hem dibin mexdurê koçberiya demsalî û hem jî dibin mexdurê hişmendiya deshilatiya mêran ji hilbijêran çî daxwaz dikin pirsî. Jinan dan zanîn ku li bajêr bêkarî gelek zêdeye û xwesitin ji pirsgirêka ku jin nikarin ji malan derkevin û beşdarî jiyana civakî bibin re çareyek bê dîtin.

'Divê pirsgirêka bêkariya jinan bê çareser kirin'

Necla Ozgaturucu ya ku di zanîngehê de beşa muhaseber qedandiye û niha bê kar maye wiha axivî: "Li Rihayê herî zêde jin di malan de dirunin, jiyanek wan ya civakî nîne. Derfetên wan yên bi rehetî ji der ve bigerin nîne. Şertê kar li Rihayê ji bo jinan ne destdaye. Di vê mijarê de tindiyek civakî heye. Min beşa muhasebe xwendiye, lê naxebitim ji ber xwediyê kar jinan tercîh nakin. Divê ji bo jinan cihên kar bên vekirin. Ez hêvîdarim ku dê ve pirsgirêk bên çaresrekirin. Ji bo jinan gelek gotinên bi nirx yên têkevin meryetê hene. Ez hêvîdarim ku emê bi ser kevin û wan hemû xeyalan têxin meryetê. Herî zêde jî ez xala ku jinan dide pêş di ecibînim ji ber weke partiyên dinê nîne."

'Hîna bandora deshilatiya mêran ser me heye'

Burcu Gurkan jî anî ziman ku hîna ser jinan şideta mêran heye û mijara bêkariyê didome û wiha got: "Jin ji bo xwendin û karkirinê kedê didin, lê hîna malbatên li pêşiya wan dibin asteng hene. Hema jinan di zewicînin. Hîna tindiya deshilatiya mêran ser me berdewame. Jin li hember wê tirs û tindiyê narabin. Peyîwir dikeve ser milê dayîk û bavan. Divê em zarokên xwe baş xwedî bikin. Divê zarok bi heskirin û rêzdarî mezin bibin. Divê ji bo jinan li meclisê xebat bên kirin."

Xwendekara lîsê Esra Ozen jî destnîşan kir ku ew dixwaze pergala ezmunan bê rakirin. Esra bilêv kir ku ser jinan tindî heye divê ev tindiya heyî bê rakirin.

'Di nava civakê de statoya jinan nîne'

Xwendekara zanîngehê Neriman Keskin jî derbirî ku li Rihayê hişmendiya fewdal serwere û wiha domand: "Mafê gotin û hilbijartinê nayê dayîna jinan. Şidet pir zêdeye. Piraniya jinan şidetê dibînin. Pir jinî heye. Her jin 10-12 zarokan tînin û pirsgirêkên wan yên tenduristiyê hene. Di demsala hevînê de jî ji bo kar koçî herêmên dinê dikin. Ji bo çareseriya van hemûyan divê di despêkê de jin azad bibin. Divê bi xwe aboriya xwe bidest bixin. Heya hişmendiya fewdal ji holê neyê rakirin jin azad nabin. Heya ku jin zarokan neyîne, tayîbetî jî zarokên lawik ne welidîne ti sitatoya wê di nava civakê de nîne. Li hember van hemûyan divê paradîgmaya HDP'ê têkeve meryetê."

Zehra Çelik jî diyar kir ku li Rihayê jin ji cewherê xwe durketine, hatine rewşa ku nikarin derkevin derve û wiha berdewam kir: "Em hatine pêvajoya li hember pergalê rabin ser lingan. Ez hêvîdarim ku emê van derbaskin. Li Rihayê di vê mijarê de guherîn heye. Jin dê li hember tindiyan çî bikin dizanin."

Pispora Ewlehiya Kar Melek Satici jî ji bêkariya nava bajêr gilî kir. Melek anî ziman ku bi nêrînek nebaş li jinên dixebitin dinêrin û got: "Jin di nava malê de dirunin dernakevin derê."

(zt)