JINHA

RIMÊLAN- Jinên şaredariyên kantona Cizîrê Goristana Şehîd Xebat Dêrik a bajarê Dêrîkê ziyart kirin.

Piştî bi dawî kirina dewereya perwerdê ya şehîd Viyan Rojhilat a Yeketiya Star li bajarê Rimêlan a kantona Cizîrê bi tevlîbûna 25 jinên meclisa şaredariya kantona Cizîrê Goristana şehîd Xebat a Dêrik ziyaret kirin. Bi armanca bi dawîkirina dewreya perwerdeya Şehîd Viyan Rojhilat a ku di bunya rêxistina Yekîtiya Starde li bajarê Rimêlan pêkhatî, bi tevlîbûna meclîs û 25 jinên Şaredariyê Goristana Şehîd Xebat a bajarê Dêrikê hat ziyaret kirin. Derbarê ziyartê de dayîka şehîd Bangîn Xezala Omer axivî. Xezal got: ''Me dewreya xwe ya perwerdê bi dawî kir û me pêşniyar kir ku em goristana şehîdan ziyaret bikin em vê yekê gelekî kêfxweşbûn. Em hatin vir ji bo ku em careke din soza xwe bi şehîdan re nû bikin ku em riya wan bişopînin. Daxwaziya min ji hemû jinan ew e ku riya şehîdan bişopînin û bila li gorî hêviyên şehîdan jiyan bikin.''

'Emê şopdarê şehîdên xwe bin'

Rojda Osî jî ku ji bajarê Qamîşlo ye û tevlî perwerdê bibû wiha axivî: ''Li ser pêşniyarê me em hatin û me Goristanê ziyaret kir em bi vê yekê gelek kêfxweşin. Ez dixwazim ji dayîkên şehîdan re bibêjim ku bila serê wan bilind be û ev roj roja berxwedan û parastina rûmetê ye."

Rêveberiya Jin a Şaredariya Dirbêsiyê Mediya Mamê wiha got: ''Hêviya min ew e ku em li ser vê axê bi wîjdan bimeşin, ji ber ku şehîdên me ji bo axa xwe canê xwe feda kirin em jî soza şopandina têkoşîna wan didin."
Di dawiyê de hemû jinan berê xwe dan bajarên xwe û hêviyên wan bi serkeftinê heye û durişmeyên bijî berxwedana Rojava berz dikirin.

Dawî de Rojda wiha axivî: ''Daxwaza min ji hemû jinan ew e ku têkoşîna azadiyê bilind bikin û bi xwe perwerde kirinê zanistiya xwe a dîrokî kurbikin."

(rm/rc)