JINHA

NAVENDA NÛÇEYAN - Bi boneya şewata ku li Nexweşxana Qamişlo derketî di navê de jin, zarok û xebatkarên tenduristiyê jî heyî 27 welatiyan jiyan xwe ji dest dan û gelek birîndarbûn daxuyanî dan Jinên MLKP Rojava daxuyanî dan û gotin: "Em ji malbatên heskiriyên xwe di şewatê de windakirin sersaxiyê dixwazin û ji birîndaran re jî şifayê dixwazin. Di nava vî şerî û hejariya heyî de bûyerek wiha ji bo me hemûyan dilêşek mezine."

Di şewata li Nexweşxana Taxa Meyselûna Qamişlo de şewat derket. Di şewata li nexweşxanê de jin, zarok û xebatkarên tenduristiyê jî di navê de 27 kesan jiyana xwe ji dest dan. Di derbarê şewata ku derket de Rêxistina Jinên Konunîst MLKP a Rojava daxuyaniyek nivîskî weşandin û gotin: "Em ji malbat û hezkiriyên wan re sersaxîyê dixwazin. Êşên wan êşên me ne. Ji gelê me yê ku di şewatê de birîndar bûn re jî şîfayê acîl dixwazin. Di nav şer, feqîrî, tunebiyînê de ew şewata derketî em gelek êşandin."

Daxuyaniyê wiha dom kir: "Serê gelên me sax be. Em banga hemû gel dikin tayîbetî jî malbatên me yên ku di vê bûyera trajedî de hezkiriyên xwe wendakirine bi giyana seferberîyê xwedî derkevin û birînên wan derman bikin. Gelê me yê qadîm ku bi jin, zarok, ciwan li hemberî DAÎŞ'a faşist şoreşê diparêzin, em zanin ku vê êşa xwe jî wê derman bikin û piştgiriya hêza mene."

(rm/zt)