JINHA

SERÊKANIYÊ – Rêxistina Yekîtiya Star a Serêkaniyê hemelya avakirina komînên jinan bi dawî kir. Li bajar û gundên Serêkaniyê 38 komînên jinan hatin avakirin.

Rêxistina Yekîtiya Star a Serêkaniyê bi armanca rêxistinkirina jinên bajar û herêma wê 7 meh berê hemelya avakirina komînên jinan dabû destpêkirin. Di encama xebatên 7 mehan de li bajarê Serêkaniyê û gundê wê 38 komîn hatin avakirin. Di van komînan de bi sedan jinên ji hemû pêkhateyan cihê xwe digirin. Di van komînan de rola jinan di nava civakê de û çawaniya jin çawa dikarin bi xwe pirsgirêkên xwe çareser bikin. Têkildarî avakirina komînên jinan endama Rêveber a Yekîtiya Star Intîsar Melkê ya bi xwe ereb diyar kir ku qonaxa yekem a avakirina komînan qedandine û ev tişt anî ziman: "Avakirina komînên jinan ji bo pêşxstina civakê ye, her wiha da ku jin li gorî jiyana azad ku ji aliyê Rêberê Gelê Kurd Abdulah Ocalan hatiye pêşkêşkirin ve xwe bi rêxistin bike. Bi avakirina Komînan re em dikarin bibêjin ku dê berxwedana demokratîk, azad, aştiyane û jiyana hevbeş pêş bikeve."

Derbarê çawaniya avakirina Komînan de Intîsar Melkê destnîşan kir ku destpêkê wan sê jin wek rêveberên komînê hildibijartijn û wiha dom kir: "Jinên rêveber xebatên komîteyên komînan dişopandin û piratîze dikirin. Her wiha dengê hemû endamên komînê dighînin saziyên peywindîdar ên Rêveberiya Xweseriya Demokratîk. Di her komînekê de gelek komîte hatine avakirin, komîte karê xwe didin meşandin."

Intîsar destnîşan kir ku endamên komînan parstinê ji aliyê şervanên YPJ’ê ve hatin perwedekirin, da ku di mijara parastinê de made bin û wiha domand: "Jin ji aliyê mamosteyên zimanê kurdî hatin perwedekirin. Komîteyên aborî jî xebatên aborî pêş dixin. Komîteyên civakî jî hemû pirsgirkên jinan çareser dikin."

Rêvebera Yekîtiya Star Intîsar Mekê da zanîn ku bi avakirina komînan gelek pirsgirêkên jinan hatin çareserkirin û jinan êdî mafê xwe yê bi hezaran salan winda kirine, bidest dixin.

(zt)