JINHA

HEWLÊR - Parlamenterên YNKê yên jin ji bo hilbijartinên 7ê Hezîranê yên li Tirkiyê, banga piştgiriya ji bo HDPê kirin.

Parlamenterên YNKê yên jin Viyan Dîzeyî, Bêrîvan Serheng û Nehla Mihemed serdana navenda DBPê ya li Hewlêrê kirin. Şand ji aliyê rêveberên DBPê Şîlan Emînoglu û Şûkran Dîkmen ve hat pêşwazîkirn. Di hevdîtinê de hilbijartinên 7ê Hezîranê yên li Tirkiyê hatin guftûgokirin. Parlamenter Bêrîvan Serheng diyar kir ku ew piştgiriya xwe ya ji bo HDPê tênin ziman û wiha got: “Ev hilbijartin ji bo tevayî kurdan giringe. Divê her kurdek bi şeref dengê xwe bide HDPê. Di heman demê de ev hilbijartin ji bo azadiya Rêberê PKKê Abdullah Ocalan jî xwediyê giringiyekî mezine. Êdî nabe ti kurdek qebûl bike ku Serok Apo di girtîgehê de bimîne.”

Nûnera DBPê ya Hewlêrê Şîlan Emînoglu jî keyfxweşiya xwe ya ji bo serdana parlamenterên jin anî ziman û diyar kir ku ew bi vê serdanê gelek keyfxweş in.

(zt)