‘Xwedî derketina li dengan xwedî derketina li Koban’ê ye’

16:47

JINHA

ŞIRNEX - Li Şirnexê di çarçevoya hemlaya ‘Xwedî Derkeve’ bi pêşengtiya Dem-Genc’ê li bajarokê Erebanê yê Hezex’ê meşek hat li darxistin. Piştî meşê Namzeta HDP'ê ya Şirnexê Aycan Îrmez diyar kir xwedî derketina dengan, xwedî derketina nasnama Kurd û xwedî derketina li Kobanê ye.

Hemla Dem-Genc'ê ya ‘Li axa xwe, ava xwe, enerjî ya xwe, dengê xwe xwedî derkeve” dewam dike. Li Hezexê bi pêşengiya Meclisa Jinên Ciwan yên DBP a Şirnexê li bajarokê Ereban meşek hat li dar xistin. Namxeta Parlementera HDP’ê ya Şirnexê Aycan Îrmez, Hevşaredara Şirnexê Eylem Anuk, Hevşaredara Hezexê Eylem Oyman, Hevseroka DBP a Şirnexê Zozan Anuk, endamên KJA yê, Hevseorokên DBP û HDP a Şirnexê û Hezexê, endamên Dem –Genc a Cîzirê û gelek welatiyên bajarokê Erebanê tevli meşê bûn. Di meşê de pankartên "Li partiya xwe, dengê xwe li sindoqa xwe xwedî derkeve" hat vekirin û dûrêşmên “Ray namuse namus nayê firiton” û "Jin jiyan azadî” hatin berz kirin. Girse ji ketina bajarok haya qada nav bajarok meşiyan li wê, Namzeta HDP’ê Aycan Îrmez axivî.

‘Êrîş berhemê hişmendiya Erdoğan’ın’

Aycan diyar kir ku hilbijartin nêz dibe û xwedî derketina li dengan xwedî derketina li nasnama gelê kurd û xwedî derketina li Kobanê ye û wiha axivî: "Ev hilbijartin çawa hebûn û nebûna gelê Kurd e ev kas hebûn û tûnebûna gelê Tirk e jî.” Aycan da zanin ku hişmendiya Serokkomar Erdoğan û hişmendiya Sedam û DAİŞ’ê yeke û eger HDP nekeve meclisê ewê hişmendiya Şer bi ser bikeve û wiha dewam kir:”Me hemiyan dît çawa alikarî da DAİŞ’ê lê kurda dengê xwe gihand dinyayê” Aycan buyerên li Hezexê bi bîr xist û ev tişt got:” Ev êrîşên ku li ser gêlê pêk hat ji hişmendiya Erdoxon bû û em dibêjin em nayên van provaksiyonan.”

‘Bila ciwan ji AKP’ê re bêjin êdî bese’

Piştî axaftina Aycan li ser navê DEM-GENC’ê Zekayî Sayan daxuyanî xwend. Zeki dîyar kir ku ji ber ku AKP di tirse HDP bi ser bikeve û loma li Agîrî, Gever, Mêrdîn, Şirnex û li gelek deverê din provakasyonan kirine û wiha dewam kir: "AKP dibêje ez aşitî xwazim û lê ji aliyekî de oparasyonan dewam dike, ciwanan binçav dike û komkujiiya pêk tîne.” Zekai got ku di bin nava ola islamê de çawa DAİŞ mirovan xetildike li bakurê Kurdîstanê jî dixwazin komkujiya pêk tine û AKPm li hember vê yakê bêdeng dimîne û wiha pêde çu: “Em bang li hemu ciwanan dikin ku ji bêdengiya xwe xara bikin û bêjin êdî bese.” Zakai wiha dawî li axaftina xwe anî: “Dê ciwan xwe bi rêhê Arin Mirxan û Zekî Bakokan rêxistin bike û perspektifa rêber Apo jiyanek azad ava bike.”

Piştî axaftinan girse meşiya heya ber avahiya HDP’ê û li wê jinan bi cilên xwe yê rengîn goven gerandin.

(ma/zt)