JINHA

STENBOL - Rewşa nexweşiya girtiya nexweş Fatma Tokmak ya ku di rojên derbasbûyî de bijîşkan diyar kirinbûn ku çar qepaxên dilê wê îflas kirine her diçe giran dibe. Divê bi lezgînî Fatma bê rakirina amelyatê.

Girtiya nexweş Fatma Tokmak ya ku li Girtîgeha Tîpa L ya Bakirkoyê dimîne di rojên derbasbûyî de bijîşkan agahiya çar qepaxên dilê wê îflas kirine dabûn rakirin nexweşxanê û divê bi lezgînî bê amelyatkirin. Piştî ku hat zanîn çar qepaxên dilê Fatma îflas kirine paşê jî ser dilê wê 2,5 cm kireçleme derket. Hat zanîn ku dê roja pêşemê Fatma rakin amelyatê.

Girêdayî mijarê kurdê Fatma Azad Tokmak wiha axivî: "Duh bi şev Parêzera girtiyên nexweşên giran Fatma Ozdemir li min geriya û girêdayî rewşa tenduristiya diya min agahî da, diyarkirin ku dê roja pêşemê dayîka min lezgîn rakin amelyatê û berî bikeve amelyatê dayîka min dixwaze min bibîne. Ez jî serê sibê hatime ber Dadgeha Bakirkoyê. Min xwest ji dozgeriyê desturê bigirim biçim diya xwe bibînim, lê dozger ne li cihê xweye. Ji ber wê jî min destur negirtiye." Azad anî ziman ku ew li gel parêzer li ber girtîgehê rawestayîne.

Girêdayî rewşa Fatma Tokmak ya ku di nava lîsta ÎHD'ê ya girtiyên nexweşên giran de cîh digire bijîşkên Nexweşxana Mehmet Akif Ersoy gotibûn: "Di şertên girtîgehê de amelyat nabe. Ji ser masê amelyatê rîska derketinê ji sedî 90 te."

(zt)