JINHA

AMED - Ji bo meşa ji Amedê ber bi Gemlikê ya bi dirûşma, "Em bi sedhezaran ji bo azadiya Rêbertî dimeşin" wê pêk were, hemû amadekarî hatin kirin. Serokê TUHAD-FED'ê Mehmet Temîzyûz anî ziman ku ew mal bi mal, kolan kolan geriyane û gel vexwendine meşê û bang li welatiyan kir ku ji bo meşê li ber avahiya DBP'ê kom bibin.

Amed ji bo meşa bi dirûşma, "Em bi sed hezaran ji bo azadiya Rêbertî dimeşin" ji Amedê ber bi Gemlîkê were kirin û azadiya Ocalan were berzkirin amade ye. Beriya meşe, komên zabita û welatî li ber avahiya DBP'a Amedê tedbirên ewlehiyê girtin. Li derdora avahiya DBP'ê şerîdên ewlehiyê hatine kişandin û welatiyên ku dikevin qada meşe jî lêgerîna wan tê kirin. Li Amedê ji bo tevlîbûna meşê sed hezar belavok hatine belav kirin û tê hêvî kirin ku bi sedhezaran welatî saet di 16:00'an de li ber avahiya DBP'ê kom bibe.

Li gel amadekariyên meşê, polîs jî li gel wesayitên zirxî û TOMA'yan li jê ra cihê meşê rawestiyane û hat dîtin ku bi dehan polîs jî di nav otobosan de disekinin.

Serokê TUHAD-FED'ê anî ziman ku ew mal bi mal, kolan bi kolan geriyane û amadekariya meşê kirine. Mehmet destnîşan kir ku ew li bendê ne ku saet di 16:00'an de bi sedhezaran welatî li ber avahiya DBP'ê kom bibin. Mehmet agahî da û got wan hemû amadekariyên meşê temam kirine û ji bo tendurustî, ewlehî û pêdiviyên bingehîn komite hatine ava kirin.

Mehmet herî dawî bang li welatiyan kir ku li ber avahiya DBP'ê kom bibin.

(rc/ch)