JINHA

DÊRIK - Kongreya Sûriyeya Demokratîk, li bajarê Dêrikê yê Rojavayê Kurdistanê destpê kir.

Kongreya Sûriyeya Demokratîk li Salona Ciwanan a Azar a Dêrikê destpê kir. Li salonê pankartên bi nivîsên Kurdî, Suryanî, Erebî û Tirkî hatin daliqandin. Ji rêxstinên mûxalefeta civakî, leşkerî û siyasî ya Sûriyeyê 103 delege beşdarî kongreyê bûn. Di Kongreyê de nûnerên Rêveberiya Xweseriya Demokratîk, TEV-DEM, Koma Partiya Siyasî ya Desteya Şêwirmendiya Siyasî ya Rojava, Civata Demokratîk a Sûriyeyê, Civata Peymana Mafan û Rûmetê, Tevgera Pêla Genim (Teyar El Qemih) û Tevgera Lihevkirina Demokratîk a Neteweyî ya Sûriyeyê amade ne. Her wiha nûnerên Komîteya Diyalogê ya Kongreya Kahîreyê, Konseya Neteweyî ya Ereb, Rêxistina Yekîtiya Star, Însiyatîfa Jinên Sûriyeyî, Yekîtiya Jinên Suryanî, Partiya Demokratîk Pêşverû ya Kurdên li Sûriyeyê Partiya Modernîteya demokratîk, Partiya Azadiyê ya Kurdistanê, Partiya Asûrî ya Demokratîk, Civata Tirkmenên li Til Ebyadê, gelek kesayetên serbixwe, rûspiyên eşîrên Kurd û Ereb, nivîskar û rojnamevan beşdarî kongreyê bûne.

(rc)