JINHA

MÊRDÎN - Welatiyên Nisêbînê li hember êrîşan heya sibê bi govend gerandinê li berxwedan û gotin ku ew ê ti carê axên xwe terk nekin. Haci Emîne (70) yê ku pêşengiya meşa gel dike, di salên 1990'an de kurê wê bûye qurbanê cînayetên faîlê mechûl. Haci Emîne wiha dibêje, "Hûn çima digerin li salên 90'î binêrin."

Li navçeya Nisêbîna Mêrdînê qedexe û dorpêça ku li taxa Firta, Dîcle, Abdulkadîrpaşa û Yenîşehîrê şûnde derbasî hemû navçeyê bû. Berxwedana ku li tevahî navçeyê belavbûye, jin daketin kolanan û heya sibê govend gerandin. Hecî Emîne diyar kir ku ew bi anonsên polîsan a qedexeya li tevahî navçeyê hatî îlan kirin sibê hişyar bûye û wiha got, "Wek hûn dibînin em bi cihek ve neçûne. Xwe çi dihesibînin? Ji mera dem jî diyar dikin. Li ser van axan xwînê zarokê min rijiye. Ez bimrim jî axê xwe terk nakim.

'Dema ku me axê xwe terk bikin em dizanin faşîstan dê çibikin'

Kader Kurt jî wiha got, "Çîroka her yekî ji me li ser vê axê heye. Li hember top û tangan bi tilîlî û lêdana tenekê li berxwedan qey hêsan dibînin? Em vê hêzê ji êşên ku me jiyan kiriye bingeha xwe digre." Kader bertek nîşanî gotinên medyayên navendî ên wekî "terk dikin" da û wiha pêde çû, "Bila navê Nisêbînê wiha bi nûçeyan reş nekin. Ligel ku tevahî gel dizane ku ji sedî sed ev yek ne raste jî, nûçeyên ku berxwedana Nisêbînê reş dikin me diqehrîne. Em ne ewqas bê tecrûbene ku axên xwe terk bikin û biçin. Dema ku em axê xwe terk bikin em dizanin wê faşîst wek salên 1990'an van axan lînç bikin."

Li aliyê din li taxên Yenîşehîr, Firat, Dîcle, Abdulkadîrpaşa, Kişla û Zeynelabîdin li serê her kolanek wesayîtên sirxî û akrep hatine bi cih kirin û bi vî aweyî êrîş dibin ser taxan. Navçeya ku sibê bûye hedefê êrîşên giran gelek mal di encama êrîşan de ziyan bûye û her wiha av û elektrîk li navçê hatî birîn.

(rc)