Zehra Dogan/JINHA

MÊRDÎN - Li Nisêbîna dibin êrîşan de Elifa 10 salî bi nîşeyên xwe yên berxwedanê bang li hemû zarokan kir û got: "Niha dengê çekan tê. Dema ku dengê çekan tê em dibezin malê, dema ku tank derbazdibin cardin em derdikevin kolanê û çalakiya xwe ya deng derxistinê berdewam dikin. Li gorî min em mafdarin. Dizanim dê rojekê dengê me bê bihîstin."

Duh serê sibê bi îlana qedexeya derketina kolanan li ser hemû taxên Nisêbînê re êrîşan despêkir. Li gel taxên Fırat, Dicle, Yenişehir û Abdulkadirpaşa li taxên Zeynelabidin û Kişlayê jî berxwedan bilind bû. Heya serê sibê welatiyan li kolanan nobet girtin û berxwedan bilind kirin.

Bi tayîbetî jî li Taxa Kişla yê ser şaneşînê hemû malan daleqandina alayên sipî balê dikişîne. Remezanê biçuk derket serê xanî nîşana serketinê rakirin û alaya sipiya di destê xwe de bi saetan hejand. Li taxa berxwedanê heya sibê em li malekê bûn. Di hindirê malê de Elif Akdogan a 10 salî ku xwendekara pola 4'an e bi navê "Notên berxwedanê" rojnivîsk dinivîs.

'Her roj hinek ji me jiyana xwe jidest didin'

Elif dibin dengên çekên giran de rojnivîska xwe wiha dixwîne: "Her kes neçare dest bi jiyanek nû bike û ji bo xwe rêyekê hilbijêre. Li Nisêbînê di vê riyê de kî dimire kî dimîne. Hinek zarok sirên bi hevalên xwe re par dikin di rojnivîskên xwe de dinivîsin. Ez ya ku neçarbûme zu mezin bibim her roj mirinek nû li rojnivîska xwe zêde dikim. Niha dengê çekan tê. Dema ku dengê çekan tê em dibezin malê, dema ku tank derbazdibin cardin em derdikevin kolanê û çalakiya xwe ya deng derxistinê berdewam dikin. Li gorî min em mafdarin. Dizanim dê rojekê dengê me bê bihîstin."

Kî êrîşî me bikin xuda belaya xwe bide wan. Li gorî min em mafdarin. Dema ku mezinbûm ezê mafdarbûna me ji bo her kesê bêjim. Ez ji vêderê bangî zarokên li Tirkiyê dijîn dikim. Li Nisêbînê dibistan dişewitin wan nîne. Vê serê sibê dema ku ez li dibistanê bûm dengê anonsê dihat û qedexeya derketina kolanan hat îlan kirin. Hema min ders hêla û ez beziyam malê. Dema ku ez negihama malê ezê hatibama kuştin. Êdî dibistana me nîne. Îsal me nexwend, lê hun baş bixwînin û cîhanek baş avabikin. Teqez me jibîr nekin, ji ber emê we ji bîr nekin. Dema ku em zutir dinayek bedew avabikin emê we ji bîr nekin. Di vê navberê de carnan qenalên televizyonan biguherin û qenalên me vekin. Di wê derê de rastiyan dibêje..."

(zt)