JINHA

AMED - Bi hezaran welatî ji bo şikandina dorpêça ser Surê dest bi meşê kirin, li Meydana Şêx Saîd mudaxele kirin. Piştî mudaxeleyê gel dest bi çalakiya runiştinê kirin. Bi ava şid û gaza îsotê mudaxele kirin, lê gel meydanê naterikînin.

Li ber Şaredariya Bajarê Mezinê Amedê bi hezaran welatî kombûn û ber bi Surê ve meşiyan. Di meşê de pankarta bi nivîsa "Qirkirin kevneşopiya dewletê ye" hat vekirin. Di meşê de diruşmên weke "bijî berxwedana Surê", "PKK gele, gel li vire", "Dê Kurdistan ji bo faşîzmê bibe goristan" û "Her der Sur her der berxwedan" hatin bilind kirin. Parlementerên HDP'ê Nursel Aydogan, Sibel Yigitalp, Ziya Pir û hevşaredar jî beşdarbûn. Li derdora meşa gel a ji Meydana Şêx Saîd ber bi Surê ve birêketin rastî barîkara polîsan a bi wesayîtên zirxî hatin. Welatiyan li ber meydanê dest bi çalakiya runiştinê kirin.

'Enqerê bê bertek dimînin'

Parlementera HDP'ê Nursel Aydogan diyar kir ku 21 rojin li Surê gel dibin tang û topan denin, gelê Amedê bi her awayî çalakî kirin û helwesta xwe nîşan dan. Nursel da zanîn ku li Amedê jiyan hatiye sekinan din û wiha domand: "Em gelê Amedê bi helwesta bi hev re mirinê ji qedexeya re dibêjin bese, lê mixabin deshilatiyek li hemberî me ya van çalakiyan têbigihe nîne. Li kijan deverên cîhanê bana li hemberî van hemû çalakiyên sivîl dê berê xwe vegerandibana û gotibana 'çima'. Lê mixabin Enqere ewqas bê baldariye, tenê tişta dibêjin; 'Dê xendek bên girtin. Yên wan xendekan vekirine dê di wan xendekan de bên veşartin." Hunê biratiyê bi êrîşan bidin çêkirin."

'Divê heyet bên avakirin û hevdîtin bên kirin'

Nursel bi rojan êrîşên ser Cizîr, Silopi, Nisêbîn, Kerboran û Surê û her roj qirkirinên tên kirin bibîr xist û got: "Bila baş bizanin ku ger li vêderê huzur nebe, li aliyê Tirkiyê jî çênabe. Êdî gelê kurd ne weke berêne. Li deverên operason hatine kirin gel li hember mirinê li qadanin. Hun jî êdî têbigihin ku bi operasonan pirsgirêk çareser nabe. Divê bi lezgînî daxwazên gel ên rêveberiya cewherî bên nîqaşkirin. Divê rêya Îmraliyê bê vekirin, bi hevdîtinên li gel Birêz Ocalan re dikare dawî li van qirkirinan bê. Ger hun difikirin ku hunê bi êrîşan vî gelî têkbibin hun xwe dixapînin."

Bi gaza îsotan û ava şid polîsan mudaxeleyî çalakiya runiştinê kirin, lê gel meydanê na terikînin.

Li Koşuyoluyê pevçûnan despêkir

Li aliyê dinê ji bo rakirina dorpêça ser Surê li Koşuyoluyê welatî kombûn û dest bi çalakiyan kirin, bi guleyên rastî, gaza îsotan û ava şid polîsan mudaxeleyî welatiyan kirin. Piştî mudaxeleyê pevçûnan despêkir.

(zt)