JINHA

ŞIRNEX - Hate zanîn ku li Cizîrê jina bi navê Cahîde Çikal ne ji ber qeyrana dil, ji ber parçeyên şerapnalê jiyana xwe ji dest daye.

Li navçeya Cizîr a Şirnexê ku ev 9 roj in rewşa awarte berdewam dike, duh jina bi navê Cahîde Çikal li malê bi yek carî ketibû erdê û jiyana xwe ji dest dabû. Hate zanîn ku Cahîde, ne ji ber qeyrana dil, ji ber parçeyên şerapnalê yên bombeyên hêzên dewletê jiyana xwe ji dest daye. Hevjîn û dayika Cahîde, di saetên sibê de cenazeyê anîn Nexweşxaneya Dewletê ya Şirnexê û li wir derket holê ku ji ber parçeyên şerapnalê jiyana xwe ji dest daye. Hate zanîn ku, koma tenduristiyê ya mudaxaleyî Cahîde kiriye, destpêkê parçeyê şerapnelê nedîtine û ji ber vê jî tenê masaja dil lê kirine.

Her wiha, cenazeyê Cahîde, bi hinceta ku cih tune ye ji aliyê Nexweşxaneya Dewletê Şirnexê ve nehat qebûlkirin. Ji ber vê yekê malbat mecbûr ma ku cenazeyê Cahîde car din bibin Cizîrê.

(zt)