JINHA

ŞIRNEX - Êrîşên hêzên dewletê li ser gelê sivîl ên Sîlopiyê bi hemû dijwariya xwe didome. Îro li taxa Nûhê gelek mal rastî îsabeta topan hatiye û bi sedan mal hilweşiya ye. Di encama hilweşandina malekê 3 welatî bi giranî birîndar bûye. Her wiha dema welatiyekî felç xwest bi ala spî biçe nexweşxanê
rastî gulebarankirina hêzên taybet hatiye.

Ev 9 rojin li Navçeya Sîlopiyê ya Şirnexê êrîşa dewleta tirk ya li ser gelê sivîl didome bi hemû dijwariya xwe didome. Hêzên dewletê en ku nikarin têkevin taxên berxwedêr berê xwe didin welatiyên sivîl. Heta niha hêzên dewletê 3 jê zarok, 2 jê jin 12 kes ji hêla polîs û leşkeran ve hatin qetilkirin. Ji ber topebarankirinê jî bi sedan welatî jî birîndar bûn.

3 birîndar

Welatiyên li taxa Nûhê ya li malên hewirdora Dibisana Cûmhûriyetê ji bo derketina kolanan û qetlîaman şemezar bikin derketin kolanan û hêzên dewletê gel gulebaran kirin. Di encama gulebaranê de welatiyê bi navê Mahmût Orûç (28) ji sînga xwe, Cindî Algûr (45) ji pişta xwe û welatiyê ku paşnavê wî nehat diyarkirin Halît ji lingê xwe birîndar bû. Hêzên dewletê ên ku taxa bi topê tanka bomberan dike bi hemû tundiya xwe didome.

Ligel ala spî hate gulebarankirin

Welatiyê bi felç û nexweş li taxa Yenîşehîrê dijî bi navê Salîh Kalenderoglu dema xwest biçe nexweşxanê rastî gulebarankiriran polîsên taybet hat. Salîh li ser kursiyaxweyî astengî û bi alên spî ligel astengî û polîsan anonsa "Şûnd vegerin, anjî emê we bikujin" neçar man û vegeriyan mala xwe.

Anonsa 'mala xwe terkbikin'

Dîsa hêzên dewleta tirk li hemû taxan anonsa "mala xwe terkbikin" tên kirin û hat zanîn ku polîs û leşkeran gelek mal îşgal kiriye û bi sedan welatî rehîn girtiye.

(kom/eb/rc)