JINHA

COLEMÊRG -Aktivîstên KJA'ê ya Colemergê ji bo êrîş, komkujiyên li Kurdistanê diqewimin û tundiya li ser jinê şermezar bikin meşek li darxistin.

Li Colemêrgê bi dehan jin bi pêşengiya Kongreya Jinên Azad (KJA) ê êrîş û komkujiyên li navçeyên Sur, Cizîr, Sîlopiya, Gever û gelek hereman ji aliyê hêza dewleta tirk ve tên jiyandin şermezar bikin meşiyan. Bi dehan jin li ber avahiya Navenda Binenvşê kombûn. Hevşaredara Colemergê Fatma Yildiz û nûnerên saziyên civaka sîvîl jî di meşa jinana de amade bûn.

Jinan ligel hemû astengiyan meşiyan

Di meşê de pankarta li ser "Tundiya mêr bîrdoziye, xwe parastina rewa heqe" û dowîzên wek "Kujerê jinan dewlet e" , "Ji tundiya jinê re na" û "Em natirsin, bêdeng namînin û serê xwe natewînin" hildan. Jinan di meşê de bê navber dîruşmeyên wek "Jin jiyan azadî", "Bijî Serok Apo" û "Cizîr ne bi tenê ye" berz kirin. Her wiha jinan bi pîpîk û tîlîlîyan dest bi meşa xwe kir. Jinên ku xwestin heya navenda sûkê bimeşin rastî astengiyan polîsan hatin û polîsan destûr neda ku jin meşa xwe berdewam bikin. Lê jinan ligel hemû astengiyan dev ji meşa xwe bernedan û meşa xwe heya Şaredariyê berdewam kirin.

'Di êrîşan de herî zêde jin bibandor dibin'

Jinan li ber avahiya Şaredariyê daxuyanî dan çapemeniyê. Daxuyanî ji aliyê Hevseroka Partiya Demokratik a Gelan (HDP) ya Colemergê Emîne Armut hat xwandin. Emîne diyar kir ku bi xirabûna pêvajoyê re gelê kurd rastî komkujiyên mezin tên û herî zêde jin û zarok dibin bandora pêvçûnan de dimînin. Emîne got ku şer û pêvçûn hişmendiya mêr e û li hemberi vê yekê jin berdêlên giran didin û ev tişt li gotina xwe zê de kir: " Divê şera qirêj de jin û zarok tên qetîlkirin, lewra jinê kurd li taxên xwe li hemberî hemû êrîşên hov li ber xwe didin û dibin hedefa dewleta xwedî hişmendiya bavîksalariyê."

Emîne bal kişand li ser qedexeya derketina kolanan û wiha axivî: "Jinên ku îro li hemberî zilma dewletê li kolanên xwe li ber xwe didin bi her awayî dibin hedefa tîmên taybet û tên qetîlkirin. Dîsa jina du canî ku li Mêrdînê bû rastî guleyên dewletê tevî zarokê xwe jiyana xwe ji dest da û ev nîşaneya komkujiyên giran e."

Emîne di dawiya axaftina xwe de got ku dê jinên Colemêrgê heya dawiyê li kolanan bin û rê nedin komkujiyan. Daxuyanî bi çepik û tîlîliyan bi dawî bû.

(zyd-ho/rc)