JINHA

AMED - Di bûyerên ku piştî protestoya dorpêça ser navçeya Surê derketiye de, tê îdîa kirin ku li Seyrantepe welatiyê bi navê Şiyar Baran hatî qetil kirin. Li Taxa Hasirli yê Surê jî di encama êrîşan de hat diyar kirin ku welatiyek jiyana xwe ji dest daye.

Li Amedê bi armanca şikandina dorpêça li ser Surê bi hezaran welatî daketin qadê û dest bi meşê kirin. Piştî polîs mudexeleyê meşê kir bûyer derketin û tê îdîakirin ku welatiyê bi navê Şiyar Baran di encamê êrîşan de jiyana xwe ji dest daye. Hat hînbûn ku cenazeyê Şiyar rakirin Fakûlteya Tip a Zanîngeha Dîcleyê.

Li aliyê din di encama êrîşên ser Taxa Hasirli yê Surê, welatiyek navê wî ne hat hînbûn, piştî ku ji aliyê polîsan ve tê birîndar kirin jiyana xwe ji dest dide. Hat zanîn ku cenazeyê welatî li taxê tê rawestandin. Her wiha ji ber topbarana ser taxê hat diyar kirin ku sê welatî birîndar bûne.

(rc)