Rûksen Efrîn/JINHA

QAMIŞLO - Hevseroka Meclîsa Sûriya Demokratîk Îlhem Ehmed behsa girîngiya cih girtina jin di nava Hêzên Sûriya Demokratîk de kir û wiha got, "Hêzên HSD'ê ji tevahî netewan pêk tê. Armanca me ji tevahî netewan qoteya jin di nava hêza HSD'ê de mezin kirine. Bi vî aweyî jinên Kurd, Ereb, Ermenî û Sûryanî wê di nava hêza HSD'ê de bi aweyek aktîf cih bigre û di sala nû de têkoşîna civakê berfireh bike.

Modela înşa kirina civaka demokratîk a ku bi pêşengiya jinên Rojava li Sûriyê pêk tê her ku diçe berfireh dibe. Hevseroka Meclîsa Sûriya Demokratîk Îlhem Ehmed qala girîngiya cih girtina jin di nava Hêzên Sûriya Demokratîk de kir. Îlhem Ehmed diyar kir ku di encama destkeftiyên şoreşa Rojava de ew Hêza Sûriya Demokratîk avakirine û wiha domand, "Armanca Kongreya Sûriya Demokratîk yek pêşxistina pergala netewa demokratîke a duyem jî bilind kirina têkoşîna demokratîk li tevahî Sûriyê ye. Li ser rêbazên rêveberinê jî nîqaşên me pêk hatin. Ji ber her pirsgirêk di rêvebirinê de derketiye holê û ev yek jî aloziyê kur kiriye."

'Avakirina HSD'ê tê wateya avakirina bingeha civaka demokratîk e'

Îlhem destnîşan kir ku bi avakirina Hêzên Sûriya Demokratîk dê gelek guhertin di Sûriyê de pêk were û wiha got, "Avakirina HSD'ê tê wateya avakirina bingeha civaka demokratîk e û her wiha xilasiya civakê ji qeyrana siyasî, aborî, tenduristî û leşkeriye. Meclîsa Sûriya Demokratîk di vê çerçoveyêde wê xizmeta daxwazê tevahî gel bike."

'Têkoşîna herî bi wate jinên Rojava li hember zilmkaran nîşan da'


Îlhem bal kişand ser girîngiya jinan a di nava hêzê HSD'ê û wiha got, "Jinên Kurd, Ereb, Turkmen, Ermenî û Sûriyanî tevlî hêzên HSD'ê dibin. Ev baweriya tevahiya gelan ya li hember şoreşê nîşan dike. Li ser cih girtina jin di nava Meclîsa Sûriya Demokratîk de jî gotûbêjên me pêk tên. Pêşenga serkeftina Şoreşa Rojava bi ked û berxwedana jinê pêk hatî. Ji ber vê yekê divê li her qadê û xebatê jin cihê xwe bigre." Îlhem da zanîn ku hedefê hemû dagriker û êrîşkar jin û zarokin û wiha pêde çû, "Têkoşîna herî bi wate jinên Rojava li hember zilmkaran nîşan da. Jin li her qadê jiyanê pergala hevseroktiyê esas digre û ji bo wê xebatê me didome. Piştî kongre biryar hat sitandin ku li her qadê pergalê hevseroktiyê bê jiyanî kirin."

'Jin pêşenga tevahî civakê ye'

Îlhem di dawiyê gotina xwede da zanîn ku komîteya kongrê ên jin hewldidin xebatê jin li her qadê berfireh bikin û têkiliyî bi rêxistinên cûda re pêşbixin. Armanc hemû jin dibin sîwana xweseriya demokratîk de anîna ba heve û zagonên jin bi xweseriya xwe li her qadê jiyanê bike meriyetê. Jin wê xweseriya xwe di nava hêzê HSD'ê de jî bi dest bixe û azadiya civakê pêk bîne. Hêzên HSD'ê ji tevahî netewan pêk tê. Armanca me ji tevahî netewan qoteya jin di nava hêza HSD'ê de mezin kirine. Bi vî aweyî jinên Kurd, Ereb, Ermenî û Sûryanî wê di nava hêza HSD'ê de bi aweyek aktîf cih bigre û di sala nû de têkoşîna civakê berfireh bike. Jin dê di sala 2016'an de têkoşîna azadiya civakê berfireh bike û pergala xwe a xweser bide rûnişkandin."

(rc)