JINHA

WAN - Bajarê Wanê ye Mazin bi hatina zivistanê re welatiyan dest bikar anîna komîrê kirin. Komirê ku tê şewîtandin dibe sedema qirêjiya hewayê û rê li karesetê hewayê vedike.

Li bajarê Wanê ya ku gelek taxan dogalgaz lê nehatiyê bicihkirin welatiyan bi hatina zivistanê re dest bi şewata komirê kirin. Komirê ku ji aliyê hikûmeta AKP'ê ve yên nebaş û nebitendîrûstin karesetê ji hewayê re vedike. Dûyê ku zerarê dide xwezayê û welatiyan têxe nava zor û zehmetiyan. Welatiyên li taxa Akçakopiriyê ya navçeya Tuşbaya Wanê dijîn ne razîbûnên xwe anî ziman. Jinên taxê gotin ku bêhna komirê ji wan acîz dike lê ji ber tu derfetên wan tune komirê bikar tînin. Jinên taxê bilêv kirin ku bêhn û dûyê komîre tendurîstiya wan xera dike.

'Em neçar dimînin komirê bistînin'

Jina bi navê Serbil Uyar (34) ku dayîka 3 zarokane diyar kir ku ev 18 sala li Wanê dijî û di nav zor û zehmetiyan de jiyan dikin. Sebîl anî ziman ku ji ber tu derfetên wan tune ji neçariya xwe komirê dewletê distînin û ev tişt got: "Zarokên me ji ber behna komirê nexwş dikevin. Lê em mecbûrin ku komirê bistînin. Eger em nestînin jî em ê ji sermayê biqerisin. Cîranên min jî mîna min neçar dimînin ew jî bistînin."

'Nikarin derbikevin taxa'

Jina bi navê Binevş Arslan (58) ku dayîka 8 zarokane ew jî wiha got: "20 sale ez û zarokên xwe li Wanê dijîn, lê belê dema zivistan tê em aciz dibin. Jinên cînarên min ji weke min gelek zor û zehmetiyan dikşînin. Em zivistana bi sobê re dihelkin, debara me keme û em ji komirê Dewleta Tirk didê dişewitînin. Lê gelek nexweşiyan derdixe pêş me .Binevş diyarkir ku ew nikarin derbikevin taxan û zorokên wan hemû nexweş dibin û ji nexweşxwanan dernakevin. Binevş wiha dawî li gotina xwe anî: "Hevjînê min jî nexweşe û ew ji bihêna komirê gelek nexweş dikeve. Em di bêjin an bila komirekî baş bidin me an jî vî komirî bila li welatiyan belav nekin. Em hemû nexweş dikevin."

'Em wek jin gelek zehmetî dibînin'

Jina bi navê Himail Aslan a 28 salî ku dayîka 4 zarokane da zanîn ku ew 20 sale li Wanê dijî. Himaile jî wiha got: "Zor û zehmetiyên zivistanê pir zêdeye. Em wek jin zehmetiyê vê yekê gelek dijîn. Bi sobeyan re em dihelikin. Ji ber di warê debariya jiyanê de em zehmetî dikêşin nikarin komirê bistînin. Komirê dewleta Tirk didê me û zarokên me pê nexweş dikevin. Ji ber dûyê komiran em nikarin derve û hilmek paqij bistînin. Zivistanê em bi nexweşiyan derbas dikin."

(hk-db/rc)