JINHA

MÊRDÎN - Endamên Meclîsa Dayîkên Aştî ên Qoserê bertek nîşanî tecrîda li ser Rêberê PKK'ê Abdullah Ocalan û êrîşên hember gelê Kurdistanê dan û wiha gotin, "Heya ku rêbertiyê me azad bibe em ê li qadan bin."

Bertek li hember tecrîda li ser Rêberê PKK'ê Abdullah Ocalan her ku diçe zêdetir dibe. Endamê Meclîsa Dayîkên Aştî ên Qoserê bertek nîşanî tecrîda ser Rêberê PKK'ê Abdullah Ocalan û êrîşên hember gelê Kurd pêk tê dan. Ji dayîkên aştî Hisa Dogan (59) wiha got, "Em azadiyê rêbertiyê xwe dixwazin. Çima destûr nadin hevdîtina malbat û parêzerên wî? Heya ku rêberê me azad nebe em jî azad nabin. Em dixwazin azad bibin û em ziman, nasname û azadiya xwe dixwazin. Xwestina vê yekê mafê me yê herî raweye."

'Dê heya kengê Kurdan bikûjin'

Hisa bertek nîşanî Serokomar Recep Tayîp Erdogan da û wiha got, "Li her derî qedexe îlankirine, kes nikare derê kolanan. Destûr nadin kes derê derve. Jiyanê mirovan da rawestandin. Êdî bese bila dengê min biçe Erdogan û tevahî cîhanê. We Cizîr, Sur, Nisêbîn, Dêrik û Amedê tevde hilweşand. Heya kengî hûnê Kurdan bikûjin? Divê dawî li van mirinan bînin."

'Tenê Ocalan dikare xwîna diherike rawestîne'

Emîne Akansel (67) jî da zanîn ku ew 9 mehin agahî ji Rêberê PKK'ê Abdullah Ocalan nagrin û domand: "Em wek dayîkên aştiyê ji bo rêbertiyê xwe em têkoşîn dikin. 9 heyvin em agahî ji rêbetiyê xwe nagrin. Destûr nadin bi kesek re hevdîtin pêk bîne. Em dixwazin rêbertiyê me bi parêzer û malbata xwe re hevdîtin bike. Ji ber tenê rêberê gelê Kurd dikare xwîna diherike rawestîne. Ne roja me roje ne jî şeva me şeve. Bê rêbertî jiyan nabe. Bi çi mafî zilmê li me dikin û tecrît pêk tînin. Ên ku tecrîdê li hember rêbertiyê me pêk tînin, zilmê li me dikin. Zilmê li bajarên me dikin. Me davêjin girtîgehan û bi rojan cenazên me tên rawestandin. Mafê tu kes nîne ewqas zilm li me bike. Em şopdarê rêyê rêberê xwebin û heya ku rêbertiyê me azad bibe em ê li kolanan têbikoşin."

'Li hember şer em ê di aştiyê de bi israrbin'

Sûreyya Yilmaz (64) anî ziman ku divê ji nûde pêvajoya muzekarê bê despêkirin û got ku bi xwînê aştî pêk nayê. Sûreyya destnîşan kir ku Rêberê PKK'ê Abdullah Ocalan wê aştiyê bîne û wiha pêde çû: "Tecrîda li hember rêbertî tê wateya tecrîd li hember tevahî gelê Kurd pêk hatiye. Bila tecrîd rabe da ku em jî bihgên azadiya xwe." Sûreyya di dawiya gotina xwede da zanîn ku ew ê tu car dev ji têkoşîna xwe bernedin û got ku ew li hember şer wê di aştiyê de îsrarbikin.

(rc)