JINHA

COLEMERG - Zabitayên jin ên girêdayî Şaredariya Colemêrgê, têkoşîna xwe ya li hember zîhniyeta desthilatdar didomîne. Ji zabitayan Canan Yîgît diyar kir ku li hember pêşdaraziyê mêran ew nîşan dane ku dikarin her tiştî bikin. Ayfer Karay jî got ku ew bi baweriya ku ji tevgera jin digrin li hember zîhniyeta desthilatdariyê berxwedidin.

Jinên zabita ên ku li her qadê jiyanê xebata navçeya Geverê a Colemêrgê pêk tînin, gel ji xebatê wan kêfxweşin. 4 Jinên girêdayî Midûriyeta Zabita yê Şaredariya Colemêrgê xebatê xwe didomînin. Jinên zabita diyar kirin ku li hember dagirkeriya zîhniyeta desthilatdar ew tawîz ji xebatê xwe nadin û karê xwe didomînin.

'Dihizirîn ku jin nikare bike'

Canan Yîgît 5 salan li Geverê erka zabitabûnê pêk tîne da zanîn ku pêşîn ew ji aliyê mêran ve rastî nêzîkatiyên biçûk dîtinê hatiye û got ku bi demê re nêrîn û helwesta wan hatiye guhertin. Canan got, "Li hember şîdeta mêr em jî hewldidin ser piyên xwe bisekinin. Hem ji aliyê hevalên xwe ên zabita û hem jî ji aliyê esnafan ve ez rastî helwestên min bixin zehmetiyê hatim. Li hember me bê bawer tevdigeriyan. Dihizirîn ku 'Jin nikare bike'. Li hember bê baweriya wan li her qadê me xebata xwe bi serxist."

'Me zîhniyeta baviksalarî hilweşand'

Canan bilêvkir ku pêşdaraziyê mêran bi demê re kêmbûye û wiha domand: "Bi taybet dema em diçûn xwaringeh û firinan ji bo venêranê, dema ku didîtin nêzîkatiyên me hîn hesastire nêzîkatiyên wan jî hat guhertin. Ferq di navbera venêranê me a despêk û dawiyê de geleke. Ji ber jin hesas nêzî karê xwe dibe, pirsgirêk jî pêre kêm dibe. Ji ber karê me a serkeftî êdî cidî nêzî e dibin. Me zîhniyeta baviksalarî hilweşand."

'Bi baweriya ji tevgera jinê re min li berxweda'

Ji jinên zabita Ayfer Karay jî da zanîn ku hevjînê wê girtiyê siyasiye û got ew berî hevjînê wê bê girtin nexebitiye. Ayfer wiha qala jiyana xwe yê berî xebatê kir: "Zarokên min biçûkbûn. Piştî keça min nesaxbû nêrîna min li hember jiyanê hat guhertin. Gotina hevjînê min a 'ez bi mijûlbûna we û nexweşxaneyan re westiyam' bandorek mezin li ser min kir. Min famkir ku divê jin xwe li her qadê pêşbixe û li ser piyên xwe bisekine. Piştî hevjînê min hat girtin, her kes got du zarokên te hene, tu nikarê bi serê xwe bimîne were ba me. Lê min bi baweriya xwe ya ji tevgera jinê re li berxweda û min biryarê rêvebirina jiyana xwe bi xwe da."

'Ji sekna xwe yê wek jinekî min tawîz neda'

Ayfer destnîşan kir ku berî dest bi kar bike agahiya wê ji ti tiştî nînbû, lê bi hêza ku Rêberê PKK'ê Abdullah Ocalan daye jinê ew bawerî daye xwe û wiha dest bi kar kiriye. Ayfer anî ziman ku li ser axên ku bi zîhniyetê mêr hatî dagirkirin, bi hêza jin xwestiye tevlî jiyanê bibe. Ayfer wiha pêde çû: "Axên ku em ser dijîn xwedî zîhniyeta baviksalariye. Her dem dixwazin jin bixin bin bandora xwe. Li vir jî ez tevî mêran dixebitim. Ew jî xwe ser her tiştî re dibînin. Lê li hember vê yekê min ti caran tewîz ji sekna xwe yê weke jinek bi hêz nedaye. Li vir tevî 4 jinan em dixebitin. Hemû hevalên min jî hewla wan a têkoşînê heye. Baweriya min bi hêza jin ji yên mêr zêdetir heye."

(rc)